Qizil déngizda 2 - " titanik weqesi" yüz berdi


2006-02-03
Share

Se'udi erebistanning duba portidin mutleq köp qisimi hejdin qaytqan hajilarni élip mangghan misirning 1400 kishilik bir yoluchilar kimisi qizil déngizda chöküp kétip, nahayiti köp sanda yoluchilar öldi.

Fransiye axbarat agéntliqining xewer qilishiche, qutquzush xadimliri hazirgha qeder 14 jesetni süzüwalghan. Birleshme axbarat agéntliqi, 100 dek yoluchining qutquzuwélin'ghanliqini bildürdi. Yoluchilar kémisi peyshenbe küni kechte se'udi erebistanning duba portidin misirgha qarap yolgha chiqqan. Paraxot misirning safaga portigha 80 kélomitir kélidighan jayda chöküp ketti.

Misir da'irilirining eskertishiche, yoluchilar paraxoti jüme küni etigen seher sa'et 3:00 de safaga portigha yétip kélishi kérek bolsimu, emma paraxot déngiz portigha 100 kélométir qalghanda radar ikranidin tuyuqsiz ghayip bolghan. Misir da'iriliri herbiy paraxot we tik ucharlarni ishqa sélip qutquzush élip barghan. Emma hawa rayi qutquzush herikitini aqsitip qoyghan.

Yoluchilarning köp qisimi hej pa'aliyitidin qaytqan hajilar yaki se'udi erebistanda ishleydighan misirliq ishchilar bolushi mümkin. Yoluchilar arisida 100 dek chet'ellik bar iken. B b s ning tekitlishiche, yoluchilar paraxotining qanuni igisi salam déngiz transport shirkiti, weqening néme sewebtin kélip chiqqanliqi téxiche éniqlanmighanliqini bildürgen.

Shirket da'irilirining eskertishiche, paraxot ikrandin ghayip bolushtin burun qutquzush signali bermigenlikini eskertmekte. Eger weqede qutquzuwélin'ghanlar xewerlerde éytilghandek bolsa, bu 1912 - yili atlantik okyanda chöküp ketken " titanik weqesi" din kéyin yüz bergen 2 - chong déngiz - okyan weqesi bolup qalidiken. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet