Вейтнамда хитайға қарши һәрикәтләр әвҗ алмақта


2008.01.09
Share on WhatsApp
Share on WhatsApp

Вейтнам оқуғучилири өзлүксиз һәрикәт қозғап, коммунист хитай һөкүмитиниң вейтнамниң мол нефит байлиқи бар тақим араллирини вә филиппин, малайшия, брунейларниң бир қисим араллирини, тәйвән арилини өзиниң айрилмас территорийиси дәп җакарлап келиватқанлиқиға қарши туруп келиватиду.

Буниңдин сәл бурун, хитай һөкүмити вейтнамниң тақим араллирини идарә қилидиған шәһәр тәсис қилғанлиқиға қарши чоң намайиш өткүзгән иди.

Франсийә агентлиқиниң ханойдин баян қилишичә, 1 ‏- айниң 9 ‏- күни вейтнам оқуғучилири йәнә интернет арқилиқ хитайниң ханойдики баш әлчиханиси вә хузимин шәһиридики әлчиханиси алдида намайиш қилип 'оқуғучилар күни' өткүзүш һәққидә елан чиқарғандин кейин, вейтнам һөкүмити оқуғучиларниң намайишида күтүлмигән мәсилә келип чиқиштин сақлиниш үчүн, сақчи вә рәсмий форма кәймәйдиған қошунлирини орунлаштурди.

Хәвәрдә ейтилишичә, 1979 ‏- йили хитай билән вейтнам оттурисида йүз бәргән чегра урушида вә униңдин кейин йүз бериватқан кичик урушларда, һәтта һазир хитай күчлинип баш көтүрүп чиқиватқандиму, вейтнам өзиниң вәтәнпәрвәрлик роһини толуқ ипадиләп кәлмәктә. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.