Дуня сәһийә тәшкилати уйғур елидә әйдизниң алдини бойичә тәрбийиләш курси башланди

Дуня сәһийә тәшкилати билән америка моринно фонди җәмийитиниң уйғур елидики тунҗи нөвәтлик әйдизниң алдини елиш-контрол қилиш бойичә кесәлләргә қариғучиларни тәрбийләш курси 7‏-айниң 3‏- күни үрүмчидә башланди. Буниңға уйғур елиниң һәр қайси җайлиридин кәлгән 250 нәпәр қариғучи қатнашти.

Хитай хәвәр агентлиқиниң мәлум қилишичә, уйғур ели хитай бойичә әйдизниң йүз бериш нисбити әң юқири район болуш билән биргә, бу йәрдә әйдизниң алдини елиш вә уни давалаш вәзийити интайин тәс әһвалда икән. Шу сәвәбтин, бу йил уйғур аптоном районидики кесәлләргә қариғучилар җәмийити дуня сәһийә тәшкилати вә америка моринно фонди җәмийитиниң мәдәт бериши билән бу курсни ачқан.

Шундақла дуня сәһийә тәшкилатиниң ғәрбий тинч окян районидики кесәлләргә қариғучилар башқармисиниң әмәлдарлири, америка моринно фонди җәмийитиниң мутәхәссислири бу курста халисанә дәрс өтүп бериш үчүн уйғур елигә кәлгән.

Хәвәрдин мәлум болушичә, бу түр 5 йил давамлишидикән. Шундақла буниңдин кейин дуня сәһийә тәшкилати уйғур елидики әйдиз әһвали бир қәдәр начар болған или вә қәшқәр қатарлиқ җайларға берип, дохтур, систераларни тәрбийләйдикән һәтта әйдизгә гириптар болғанларниң аилә-тавабатлириға йүз туранә дәрс өтидикән.

Хитай даирилириниң бу йил чиқарған доклатиға қариғанда, нөвәттә уйғур елидә әйдиз вируси билән юқумланғучиларниң сани 14 миңдин ашқан болуп, һазирғичә 91 киши әйдиз кесили билән өлгән. (Пәридә)