Amérika xitayning xelq'ara soda söhbitide ilgiri sürgüchilik rol oynishini ümid qildi


2006-08-29
Share

Amérika soda wekili suzan shwab, seyshenbe küni béyjingda junggoning yer shari soda söhbitide ilgiri sürgüchilik rol oynashni ümid qildi we jonggoning memliket ichi bazirini téximu keng échiwétishke chaqirdi.

Fransiye axbarat agéntliqining eskertishiche, u muxbirlargha béyjingni ziyaret qilish meqsidining junggoni dunya soda teshkilatigha bergen wediside turushqa ündesh, dep tekitligen. U, dunya soda söhbiti muwapiqyetlik bolmisa, eng köp ziyan tartidighan döletning jonggo bolidighanliqini bildürdi.

Munasiwetlik döletler bu yil 7 - ayda doxada chaqirilghan dunya soda söhbitide kélishim hasil qilalmidi. "Méning meqsidim jonggoni herikiti, sözi we meydani birdek bolushqa ilhamlandurush," dep tekitligen suzan shwab, " doxa söhbiti junggoning buninggha ijabiy we aktip qatnishishi astidila muwapiqiyetlik bolidu," deydu.

Suzan shwab düshenbe küni xitay soda ministiri bo shiley bilen söhbet élip bardi. Bo shiley bolsa tereqqi qilghan döletlerning söhbetke emili töhpe qoshushini telep qilghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet