Wu banggo, yéngi zélandiye parlaméntida tibet pa'aliyetchisining qarshiliq herikitige düch keldi


2005-05-26
Share

Xitay memliketlik xelq qurultiyi da'imiy komitétining hey'et ezasi wu banggo peyshenbe küni yéngi zélandiye parlaméntini ziyaret qilghanda, parlamént binasi sirtida tibet musteqilliqini qollighuchi parlamént ezasining qarshiliq namayishigha düch keldi.

Amérika birleshme axbarat agéntliqining xewirige qarighanda, tibetning musteqilliqini qollaydighan, yéshil partiyidin saylan'ghan parlamént ezasi donald wu banggo ötidighan yolda tibetning bayriqini kötürüp, qarshiliq bildürgen. Wu banggo uninggha yoluqmasliq üchün, parlamént binasining yan ishikidin kirishke mejbur bolghan.

Buningdin sirt, yéngi zélandiye hökümiti tibet bayriqining xitay emeldarlirining zitigha tigishidin saqlinish üchün, wu banggoni qarshi élish murasimini bikar qilghan.

Yéngi zélandiye parlamént ezasi donald, özining bundaq namayish ötküzüsh arqiliq xitay hökümitige yéngi zélandiyining saqchi döliti bolmastin, démokratik bir dölet ikenlikini, parlaméntning xelqqe tewe ikenlikini, xelq démokratiyige telpün'genliki üchün étip öltürilidighan tyen'enmin meydani emeslikini chüshendürüp qoyushni xalaydighanliqini bildürgen. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet