Явропа дөләтлири иккинчи җаһан урушиниң ахирлашқанлиқиниң 60 йиллиқини хатирлиди


2005-05-08
Share

1945-Йили 5-айниң 8-күни иккинчи җаһан уруши явропада рәсми ахирлашти.

Иккинчи җаһан уруши нәтиҗисидә пүтүн явропа бойичә 50 милйонға йеқин адәм һаятидин айрилған болуп, бу инсанийәткә унтулмас хатириләрни қалдурған иди. Бу мунасивәт билән явропадики һәр қайси дөләтләр түрлүк шәкилдики хатириләш паалийәтлирини өткүзди.

Бу җәрянда америка президенти җорҗ бушму шималий явропадики в балтиқ бойидики бир қисим дөләтләрни зиярәт қилған болуп, буш билән голландийә аял падишаһи шу җайдики америка әскәрлири қәбристанлиқиға берип, гүл қойди.

Германийә болса демократийә байрими шәкли билән ғәлбә күнини хатирлигән болуп, германийә парламенти хатириләш мурасими өткүзди һәмдә германийә рәһбәрлири католик дини черковиға берип, алаһидә диний мурасимиға қатнашқан. Униңдин башқан йәнә германийә солчилири намайиш өткүзгән.

Франсийә һөкүмити 1945-йили 7-май күни германийиниң франсийигә тәслим болған күнини хатириләш күни қилип бекиткән болуп, бу мунасивәт билән дағдуғулуқ мурасимларни елип барған.

Униңдин башқа йәнә әнгилийидиму шу хилдики паалийәтләр елип бәрилған. Бирақ, полша өктичилири полша президентиниң русийидә өткүзилидиған иккинчи җаһан урушиниң ғәлбисиниң 60 йиллиқини хатириләш мурасимиға қатнашқанлиқини әйиблигән. Латвийә һөкүмити болса русийә һөкүмитидин иккинчи җаһан уруши мәзгилидә совет иттипақиниң латвийәни бесивалғанлиқидин ибарәт пакитни етирап қилишни тәләп қилған болсиму, лекин москва бу пакитни қобул қилмай, икки арида ихтилаплар келип чиққан. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт