Yawropa döletliri ikkinchi jahan urushining axirlashqanliqining 60 yilliqini xatirlidi


2005-05-08
Share

1945-Yili 5-ayning 8-küni ikkinchi jahan urushi yawropada resmi axirlashti.

Ikkinchi jahan urushi netijiside pütün yawropa boyiche 50 milyon'gha yéqin adem hayatidin ayrilghan bolup, bu insaniyetke untulmas xatirilerni qaldurghan idi. Bu munasiwet bilen yawropadiki her qaysi döletler türlük shekildiki xatirilesh pa'aliyetlirini ötküzdi.

Bu jeryanda amérika prézidénti jorj bushmu shimaliy yawropadiki w baltiq boyidiki bir qisim döletlerni ziyaret qilghan bolup, bush bilen gollandiye ayal padishahi shu jaydiki amérika eskerliri qebristanliqigha bérip, gül qoydi.

Gérmaniye bolsa démokratiye bayrimi shekli bilen ghelbe künini xatirligen bolup, gérmaniye parlaménti xatirilesh murasimi ötküzdi hemde gérmaniye rehberliri katolik dini chérkowigha bérip, alahide diniy murasimigha qatnashqan. Uningdin bashqan yene gérmaniye solchiliri namayish ötküzgen.

Fransiye hökümiti 1945-yili 7-may küni gérmaniyining fransiyige teslim bolghan künini xatirilesh küni qilip békitken bolup, bu munasiwet bilen daghdughuluq murasimlarni élip barghan.

Uningdin bashqa yene en'giliyidimu shu xildiki pa'aliyetler élip berilghan. Biraq, polsha öktichiliri polsha prézidéntining rusiyide ötküzilidighan ikkinchi jahan urushining ghelbisining 60 yilliqini xatirilesh murasimigha qatnashqanliqini eyibligen. Latwiye hökümiti bolsa rusiye hökümitidin ikkinchi jahan urushi mezgilide sowét ittipaqining latwiyeni bésiwalghanliqidin ibaret pakitni étirap qilishni telep qilghan bolsimu, lékin moskwa bu pakitni qobul qilmay, ikki arida ixtilaplar kélip chiqqan. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet