Xitay hökümiti, yaponiyini tenqid qildi
2005.08.15
Ikkinji dunya urushining ayaqlashqanliqining 60 yilliqini xatiriligen xitay hökümiti, yasukoni urush qurbanliri qebristanliqini ziyaret qilghanliqi üchün yaponiye rehberlirini qattiq tenqid qildi.
Xitay hökümitining éytishiche, yaponiye rehberlirining yasukuni qebristanliqini ziyaret qilghanliqi, ularning urush mezgilide yaponiye sewep bolghan weyranchiliqlarni körmeslikke salghanliqi hésablinidiken.
Xewerlerge qarighanda, yaponiye bash ministiri yunichiru koyzumi düshenbe küni yaponiyide ikkinji dunya urushining axirlashqanliqining 60 yilliqi munasiwiti bilen ötküzülgen murasimlar jeryanida yasukuni qebristanliqini ziyaret qilmighan. Emma, uning ikki ministiri shundaqla yaponiyining onlighan siyasetchisi qebristanliqni ziyaret qilghan.
Xitay tashqi ishlar ministirliqi, yaponiye ichki kabénit ezaliri we siyasetchilirining yakosuni xatire qebristanliqini ziyaret qilghanliqini qattiq tenqid qilip, bu heriket yaponiye siyasetchilirining xelq'ara jama'etchilik ulardin kütüwatqanyolni tallimighanliqini körsitidu, dédi. Xitay metbu'atimu bu heriket sewebidin yaponiyini qattiq tenqid qilghan.
Emma yaponiye rehberlirining éytishiche, ular yasukuni urush qurbanlirining xatire qebristanliqini ziyaret qilish arqiliq, urushta ölgen pütün kishilerge hörmet körsitishni xalaydiken. (Qanat)
Munasiwetlik maqalilar
- Yaponiye 2005 - yilliq dölet mudapi'e aq tashliq kitabini élan qildi
- Xitay, yaponiyining sherqiy déngizda tebi'iy gaz qézishni toxtitish teklipini ret qildi
- Yaponiye xitayning sherqiy déngizidiki tebi'iy gaz qézish pilanini tenqid qildi
- Yasikuni buzrukgahini ziyaret qilish mesilisi xitay - yaponiye munasiwitide köngülsizlik yaratti
- Xitay emeldari wu yi yaponiyidiki ziyaritini tuyuqsiz axirlashturdi