Токйо сот мәһкимиси хитайларниң төләм төлитиш әрзини рәт қилди


2006.06.17

японийиниң токйо шәһиридики юқири дәриҗилик бир сот мәһкимисигә 2 - дуня уруши дәвридә японийә һөкүмити вә японийә ширкәтлири тәрипидин қуллар әмгикигә селинғанлиқини дава қилип, төләм төләп беришни тәләп қилған хитай пуқралириниң әрзи мәзкур сот мәһкимиси тәрипидин җүмә күни рәт қилинди.

юқири сот мәһкимисиниң сотчиси нобо акатсука, японийә ширкәтлириниң уруш дәвридә кишиләрни сестимилиқ түрдә вә даим начар шараитлар астида мәҗбурий әмгәккә салғанлиқини етирап қилған болсиму, лекин давагәрләрниң төләм төлитивелиш тәлипини қануни вақит чәклимиси өтүп кәткәнлики сәвәбидин рәт қилди.

Давагәрләр болса сот мәһкимисиниң қарарини адаләтсиз болди, дәп әйиблимәктә. Давагәрләрниң адвокати японийә алий сот мәһкимисигә юқири сотниң һөкүмини ағдурушни тәләп қилип әрз сунидиғанлиқини билдүргән.

1944 Вә 1945- йиллири японийә армийиси тәрипидин ғәрбий - шималий японийигә елип берилип қурулуш вә көмүр кенида мәҗбурий әмгәккә селинғанлиқини вә 7милйон 25 миң доллар төләм төләп беришни әрз қилған хитай пуқралириниң көпчилики һазир һаят болмисиму, лекин уларниң аилә - тавабати вакалитән әрз қилмақта. Улар японийиниң хазама, фурукава, митсубиши, нишиматсу қатарлиқ 10 ширкитини әрз қилған. 2003 - Йили японийиниң төвән дәриҗилик бир сот мәһкимиси давагәрләрниң әрзини японийә һөкүмити вә ширкәтлири шәхсиләрниң зийиниға мәсул әмәс, дәп һөкүм чиқарған иди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.