Русийиниң "хамас" ни тәклип қилиши исраилийиниң ғәзипини қозғиди


2006-02-12
Share

Русийә президенти владимир путин 9-феврал күни хамас рәһбәрлирини москваға тәклип қилидиғанлиқини билдүргәндин кейин, исраилийә һөкүмитини русийини өз вәдисигә вапа қилмиғанлиқ билән әйиблиди. Путин бу тәклипини испанийиниң мадрид шәһиридә ейтқан иди.

Ббс агентлиқиниң учуридин қариғанда, исраилийә даирилири хамасни террорлуқ тәшкилат дәп қарайдиғанлиқини шуниңдәк террорчиларға қақшатқуч зәрбә беридиғанлиқини тәкитләш билән биргә "ундақта президент путин немишкә чечәнләрни москваға тәклип қилмайду" дейиш арқилиқ хамасни чечән мустәқиллиқ һәрикити билән охшаш орунға қойған шуниңдәк йәнә хамас рәһбәрлириниң москваға сәпәр қилишиға йол қоймайдиғанлиқини билдүргән.

Владимир путин сөзидә "биз пәләстин хәлқиниң таллишини һөрмәт қилимиз " дегән, хамас рәһбәрлириму буни қарши алидиғанлиқини билдүргән.

Путиниң бу мәйдани америка, явропа иттипақиниң җиддий инкасини қозғиған болуп, улар хамасни террорлуқ тәшкилат дәп қариған иди. Әмма франсийә рәһбәрлири путиниң бу хил мәйданини қоллап, бу бәлки исраилийә билән пәләстин арисидики мәсилини һәл қилип, икки дөләтниң тәң мәвҗут болуп турушиға пайдилиқ болуши мумкин дәп көрсәткән. Әң йеңи учурға қариғанда, хамас рәһбири исмаил ханийя пәләстин һөкүмитиниң баш министирлиқ вәзиписини тапшурувалған.

Русийиниң news.ru Агентлиқиниң учурлириға қариғанда, владимир путиниң бу қарари русийә сиясәт қатлиминиң қарши елишиға еришкән болуп, һәтта русийә парламентиму бу қоллайдиғанлиқини көрситип, хамасни мәйданини өзгәртишкә йәни қораллиқ һәрикәтни тохтитип, исраилийини етирап қилишқа дәвәт қилиш лазимлиқини билдүргән. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт