Rusiyining "xamas" ni teklip qilishi isra'iliyining ghezipini qozghidi

Rusiye prézidénti wladimir putin 9-féwral küni xamas rehberlirini moskwagha teklip qilidighanliqini bildürgendin kéyin, isra'iliye hökümitini rusiyini öz wedisige wapa qilmighanliq bilen eyiblidi. Putin bu teklipini ispaniyining madrid shehiride éytqan idi.

Bbs agéntliqining uchuridin qarighanda, isra'iliye da'iriliri xamasni térrorluq teshkilat dep qaraydighanliqini shuningdek térrorchilargha qaqshatquch zerbe béridighanliqini tekitlesh bilen birge "undaqta prézidént putin némishke chéchenlerni moskwagha teklip qilmaydu" déyish arqiliq xamasni chéchen musteqilliq herikiti bilen oxshash orun'gha qoyghan shuningdek yene xamas rehberlirining moskwagha seper qilishigha yol qoymaydighanliqini bildürgen.

Wladimir putin sözide "biz pelestin xelqining tallishini hörmet qilimiz " dégen, xamas rehberlirimu buni qarshi alidighanliqini bildürgen.

Putining bu meydani amérika, yawropa ittipaqining jiddiy inkasini qozghighan bolup, ular xamasni térrorluq teshkilat dep qarighan idi. Emma fransiye rehberliri putining bu xil meydanini qollap, bu belki isra'iliye bilen pelestin arisidiki mesilini hel qilip, ikki döletning teng mewjut bolup turushigha paydiliq bolushi mumkin dep körsetken. Eng yéngi uchurgha qarighanda, xamas rehbiri isma'il xaniyya pelestin hökümitining bash ministirliq wezipisini tapshuruwalghan.

Rusiyining news.ru Agéntliqining uchurlirigha qarighanda, wladimir putining bu qarari rusiye siyaset qatlimining qarshi élishigha érishken bolup, hetta rusiye parlaméntimu bu qollaydighanliqini körsitip, xamasni meydanini özgertishke yeni qoralliq heriketni toxtitip, isra'iliyini étirap qilishqa dewet qilish lazimliqini bildürgen. (Ümidwar)