Xitayning herbiy xam chotni köpeytishi amérikini bi'aram qildi
2005.03.15
Amérika tashqi ishlar ministiri kondiliza rayis, béyjingning teywen bilen xitay otturisidiki sürkilish küchiyiwatqan bir chaghda, herbiy xam chotini köpeytishi amérikini bi'aram qilmaqta, dep körsetti. U, " teywen boghuzidiki mesililer bir terep bolmighan ehwal astida herbiy xam chotni köpeytish kishini bi'aram qilidu," dep tekitligen. Rayis, bu sözlerni seyshenbe küni xitayni öz ichige alghan asiya döletliridiki ziyaret sepirining tunji békiti hindistan'gha kétiwatqanda sözlidi.
Xitay dölet kabintining bu yilqi dölet mudapi'e xam chotini 12.6 ٪ Köpeytish teklipi düshenbe küni xitay xelq qurultiyi teripidin testiqlan'ghan idi. Rayis, xitayning aldinqi küni chiqarghan " döletni parchilashqa qarshi turush qanuni" ni tenqidligen. U, " döletni parchilashqa qarshi turush qanuni teywen boghuzidiki weziyetni peseytishke paydisiz, dep körsetti.
Rayis mundaq deydu: " eng muhimi rayonda amérikining intayin küchlük ittipaqdashlirining barliqini bilish kérek…… eger xitayning rayondiki roli özgerse, bu küchler rayondiki muqimliqni qoghdaydu."
Rayisning bildürüshiche, "döletni parchilashqa qarshi turush qanuni" bolmidi dégende yawropaliqlargha rayonda shundaqla teywen boghuzida jiddi bixeterlik mesilisi barliqini esletken. U, yawropaliqlar " emdi bizning qoral - yaraq imbargosini bikar qilish waqti emes, dégen qarishimizning toghriliqini nahayiti yaxshi chüshen'gen bolushi mumkin," dep tekitligen. (Erkin)
Munasiwetlik maqalilar
- Xitay bu yil herbiy xirajitini ٪ 12.6 Ashurmaqchi
- Amérika xitayning herbiy tereqqiyatigha diqqet qilmaqta
- "Döletni parchilashqa qarshi turush qanuni", yawropaning imbargoni qaldurushigha paydisiz bolushi mumkin
- Yawrupa birliki xitaygha qoral sétip bérishte qattiq cheklime qoymaqchi
- Amérika dölet mejlisi yawrupa ittipaqigha soda cheklimisi qoyushi mumkin