Moskwada weten urushining ghelbisining 60 yilliqi xatirilinidu


2005-05-01
Share

Rusiye hökümiti 5-ayning 9-10-künliri, 1941-yilidin 1945-yilighiche dawamlashqan weten urushining ghelbisining 60 yilliqini daghdughiliq xatirilesh pa'aliyiti ötküzmekchi.

Rusiye xewer torining melumatigha qarighanda 30-apréll küni rusiye hökümiti bu qétimqi murasimgha qatnishidighan 5 3 döletning rehberlirining tizimlikini élan qilghan bolup, bu qétim yene b d t bash sékritari we yawropa ittipaqining bashliqi qatarliq xelqaraliq birliklerning rehberlirimu moskwada jem bolidiken.

Uchurlargha qarighanda moskwa da'iriliri ghalibiyetning 60 yilliqini eng yaxshi kütüwélish üchün, uzun waqittin buyan teyyarliq qilghan bolup, pilan' gha qarighanda qizil meydanda 8 ming kishilik herbiy parad ötküzülgendin sirt yene 53 dölet rehberliri wladimir putin bilen birge weten urushigha qatnashqan kona jengchilerning wekilliri bilen körishidiken. Melumki, 9-may sabiq sowét ittipaqining gitler gérmaniyisi üstidin ghelbe qazan'ghan xatire küni bolup, bu bayram 60 yildin buyan dawamlashmaqta.

1941-Yilidin 1945-yilighiche dawamlashqan ikkinchi jahan urushining sowét ittipaqidiki qisimi adette weten urushi depmu atilidu. Bu urushta 20 milyondin artuq sowét xelqi we eskiri chiqim bolghan.

Qazaqistandiki Uyghurlarning bildürüshiche, bu urushqa sowét Uyghurliridin 100 mingdin artuq adem qatnashqan bolup, ularning mutleq köp qisimi urushta ölgen we yarilan'ghan iken. Uyghurlardin besh ademge sowet ittipaqi qehrimani nami bérilgen bolup, Uyghur jengchiliri moskwa, stalin'grad hem leningrad urushlirida qehrimanliq körsetken. Uyghur jengchiliri yene bérlinni ishghal qilish urushliridimu baturluq körsetken iken. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet