Русийә иккинчи җаһан урушида өлгәнләрниң һәқиқий санини елан қилди


2005-05-08
Share

Русийиниң интерфакис агентлиқиниң учуриға қариғанда русийә дөләт мудапиә министири сергей иваноп шәнбә күни совет иттипақиниң иккинчи җаһан уруши мәзгилидә тартқан адәм чиқимлириниң һәқиқий санини рәсми елан қилған болуп, униң ашкарилишичә, уруш мәзгилидә җәмий 26 милйон 600 миң совет граҗдани һаятидин айрилған.

Һәрбий җәһәттин елип ейтқанда, 8 милйон 660 миңдин көпрәк совет иттипақи җәңчи-офитсер лири бивастә җәң мәйданида өлгәндин ташқири йәнә 4 милйон ( 4милйон 59миң адәм)дин артуқ адәм из дерәксиз йоқилип кәткән.

Урушниң дәсләпки күнлиридә совет иттипақи армийиси еғир мәғлубийәтләргә учриған болуп, пүтүн сәпләр бойичә германийә армийиси тәрипидин тармар қилинип, совет әскәрлири топ-топи билән әсиргә елинған. Сергей иванопниң ейтишичә; бу җәрянда совет қошунидин 4 милйон 500 миңдин артуқ ( 4милйон 559 миң) адәм әсиргә чүшкән.

Русийә дөләт мудапиә министириниң ашкарлишичә 5 йиллиқ уруш җәрянида 15 милйондин артуқ адәм яридарлиниш, кесәллик, тоңлап қелиш қатарлиқ сәвәбләр түпәйлидин өлгән икән.

Илгири совет иттипақи тәрәптин пәқәт 18 милйон адәм өлгәнликинила елан қилинған болуп, совет иттипақи һөкүмити изчил һалда өз чиқимлирини йошурған һәмдә әсли тарихни бурмилап хәлқини алдап кәлгән иди.

Хәвәрләргә қариғанда уруш җәрянида йәнә бир милйонға йеқин совет җәңчи офитсерлири урушта қорқунчақлиқ қилған, җинайәт өткүзгән дегәндәк әйибләр билән к г б хадимлири тәрипидин етип өлтүрүлгән икән. Сталин өз адәмлириниң җенини пәқәт айимай қурбан қилиш бәдилигә урушниң ғәлибисини қолға кәлтүргән икән. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт