Rusiye ikkinchi jahan urushida ölgenlerning heqiqiy sanini élan qildi


2005.05.08

Rusiyining intérfakis agéntliqining uchurigha qarighanda rusiye dölet mudapi'e ministiri sérgéy iwanop shenbe küni sowét ittipaqining ikkinchi jahan urushi mezgilide tartqan adem chiqimlirining heqiqiy sanini resmi élan qilghan bolup, uning ashkarilishiche, urush mezgilide jemiy 26 milyon 600 ming sowét grajdani hayatidin ayrilghan.

Herbiy jehettin élip éytqanda, 8 milyon 660 mingdin köprek sowét ittipaqi jengchi-ofitsér liri biwaste jeng meydanida ölgendin tashqiri yene 4 milyon ( 4milyon 59ming adem)din artuq adem iz déreksiz yoqilip ketken.

Urushning deslepki künliride sowét ittipaqi armiyisi éghir meghlubiyetlerge uchrighan bolup, pütün sepler boyiche gérmaniye armiyisi teripidin tarmar qilinip, sowét eskerliri top-topi bilen esirge élin'ghan. Sérgéy iwanopning éytishiche؛ bu jeryanda sowét qoshunidin 4 milyon 500 mingdin artuq ( 4milyon 559 ming) adem esirge chüshken.

Rusiye dölet mudapi'e ministirining ashkarlishiche 5 yilliq urush jeryanida 15 milyondin artuq adem yaridarlinish, késellik, tonglap qélish qatarliq sewebler tüpeylidin ölgen iken.

Ilgiri sowét ittipaqi tereptin peqet 18 milyon adem ölgenlikinila élan qilin'ghan bolup, sowét ittipaqi hökümiti izchil halda öz chiqimlirini yoshurghan hemde esli tarixni burmilap xelqini aldap kelgen idi.

Xewerlerge qarighanda urush jeryanida yene bir milyon'gha yéqin sowét jengchi ofitsérliri urushta qorqunchaqliq qilghan, jinayet ötküzgen dégendek eyibler bilen k g b xadimliri teripidin étip öltürülgen iken. Stalin öz ademlirining jénini peqet ayimay qurban qilish bedilige urushning ghelibisini qolgha keltürgen iken. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.