Ikkinchi dunya urushi axirlashqanliqining 60 yilliqini xatirilesh pa'aliyiti moskwada ötküzüldi
2005.05.09
Dunyadiki 50 tin artuq döletlerning rehberliri we xelq'ara teshkilatlarning mes'ulliri düshenbe küni rusiyining moskwa shehiride dunya fashizimigha qarshi urushning ghelibe qazan'ghanliqining 60 yilliqini xatirilesh pa'aliyitige qatnashti.
Fransiye axbarat agéntliqining xewirige qarighanda, dunya rehberliri qizil meydandiki parattin ötüsh pa'aliyitini közdin kechürgendin kiyin, ikkinchi dunya urushida wapat bolghan sabiq sowét jengchilirige chongqur hörmitini bildürüshti.
Xewerde éytilishiche, rusiye prézidénti wiladémir putin murasimda her qaysi döletlerni térrrorchiliqqa qarshi turushta ittipaqlishishqa chaqirdi. U sözide "térrorchiliqqa qarshi heqiqiy tehdidke düch kéliwatqan bügünki künde hemmimiz ejdatlirimizni mehkem este tutushimiz kérek" dédi.
Murasimgha qatnashqanlar ichide amérika prézidénti jorj bush, en'giliye bash ministiri toniy bileyir, fransiye prézidénti jek shirak, xitay dölet re'isi xu jintaw, yaponiye bash ministiri koyzomi we b d t bash sékritari kofi ennan qatarliqlar bar.
1945 - Yili 8 - may küni ikkinchi qétimliq dunya urushi yawropada axirlashqan. Urushta pütün yawropada 40 milyondin artuq adem ölgen. Buning ichide sabiq sowét ittipaqidinla 26 milyon adem ölgen idi.
Xewerge qarighanda, rusiyidin sirt, yawropadiki girmaniye, fransiye qatarliq bashqa döletlermu her xil shekilde ikkinchi dunya urushi axirlashqanliqining 60 yilliqini xatiriligen. (Arzu)
Munasiwetlik maqalilar
- Yawropa döletliri ikkinchi jahan urushining axirlashqanliqining 60 yilliqini xatirlidi
- Rusiye ikkinchi jahan urushida ölgenlerning heqiqiy sanini élan qildi
- Moskwada weten urushining ghelbisining 60 yilliqi xatirilinidu
- Rusiye prézidénti pelestin bilen isra'iliyini ziyaret qildi
- Putin: sowét ittipaqining parchilinishi dunya siyasi jughrapiyisidiki zor palaket