Америка билән хитай хәлқ пулиниң қиммитини тәңшәш мәсилисини музакирә қилиду


2005-05-06
Share

Америка малийә министирлиқидики даириләрниң ашкарилишичә, америка билән хитай хәлқ пулиниң қиммитини тәңшәш мәсилиси бойичә алдимиздики һәптә вашингтонда сөһбәт башлайдикән.

Америка малийә министирлиқиниң баянатчиси, хитай - америка пул - муамилә вәкиллириниң музакирә темиси иқтисади мәсилиләр , пул - муамилә вә хәлқ пулиниң тәннәрқини өстүрүш мәсилисигә четилидиғанлиқини елан қилди.

Хитай һөкүмити хәлқ пулиниң тәннәрқини өстүрүш тоғрисидики бесимға дуч кәлмәктә. Истанбулда чақирилған асия тәрәққият банкисиниң йиғини, хитай пулиниң қиммитини пиландикидин әрзан, дәп көрсәткән. Бу йил 4 - айда " санаәтләшкән 7 дөләт" ниң малийә министирлар йиғини, хәлқ пулиниң қиммитини өстүрүшни тәләп қилди.

Америка малийә министири җон снов, хәлқ пулиниң қиммитини өстүрүш мәсилидә "хитайниң һәрикәт қоллиниш замани кәлди," дәп көрсәтти. Әмма хитай һөкүмити хәлқ пули ислаһатиниң шәрт - шараит һазирланғанда елип берилидиғанлиқини билдүрмәктә. Хитайниң муавин малийә министири ли йоңниң билдүрүшичә, хәлқ пули ислаһатиниң вақит җәдвили һазирчә техи түзүлмигән.

Хәлқара мәтбуатлар, бу йил 9 - вә 10 - айларда хәлқ пули қиммитиниң өзгүридиғанлиқини пәрәз қилишмақта иди. Әмма ли йоң, кишиләрни сәврчан болушқа чақирди. Һазир бир доллар хәлқ пулиға 8 сом 20 тийин әтрапида алмаштурулиду. Әмма америка қатарлиқ дөләтләр бир долларниң 5 - 6 сом әтрапида алмаштурулушини базардики қиммитигә мувапиқ, дәп қаримақтикән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт