Amérika, xitayni xelq pulining qimmitini östürüshke ündidi


2005-05-27
Share

Amérika maliye ministiri jon snow, peyshenbe küni amérika dölet mejlisidiki ispat bérish yighinida xitay hökümitini agahlandurup, xitay xelq pulining qimmitini tengsheshke éhtiyaj, dep körsetti. Bu amérika maliye ministirining hazirgha qeder xitayni eng qattiq sözler bilen agahlandurushi bolup hésablinidu.

Amérika dölet mejlisidiki zatlar, xitayning xelq pulining qimmitini töwen tutushidiki sewebi, amérika bazirigha chiqiridighan éksport towarlirini köpeytishni meqset qilghanliqigha ishinidiken. Maliye ministiri snow, xitaylar xelq pulining dollar bilen almashturush qimmitini tengshep, iqtisadi asasini téximu yaxshi gewdilendürüshi kérek, dep körsetti.

Emma jüme küni xitay merkizi bankisining mudiri jaw shyawchü'en, jenubiy koriye paytexti séy'olda, xelq puli qimmitining yéqinqi 6 ay ichide östürülidighanliqini ret qildi. U, biz islahat élip bérishimiz kérek, emma iqtisadning muqimliqini közde tutushqa toghrakélidu," dédi.

Xitay merkizi bankisi mudirining tekitlishiche, hökümetning bu mesilini hel qilishi üchün waqitqa ihtiyaji barken. Biraq maliye ministiri snow, xitaylarni amérika hökümitining yilliq maliye siyasiti toghrisidiki doklati élan qilinishtin burun, xelq pulining qimmitini özgertishke chaqirghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet