Amérika xitayning xelq pulining qimmitini östürüshini yene telep qildi


2005-06-07
Share

Amérika fédéral zapas fondi komitétining re'isi alen grénspan, seyshenbe küni xitay da'irilirini xelq pulining qimmitini qoyuwétishke ündidi. Emma xitay xelq bankisining mudiri jaw shyawchüen, xelq pulining qimmitini qoyuwétish üchün téximu köp waqitqa ihtiyaji barliqini tekitligen.

B b s ning tekitlishiche, grénspanning sözi amérikining xelq pulini erkin qoyuwétish toghrisidiki telipi shundaqla bu yoldiki bésimi küchiyiwatqanliqini körsitidiken. Amérika xitay hökümitini xelq pulining bazardiki qimmitini töwenlitish usuli bilen xitay mallirining éksport miqdarini köpeytip, adaletsiz riqabetke yol achmaqta, dep eyibligen.

Grénspan yuqiriqi sözlerni béyjingda chaqirilghan pul siyasiti toghrisidiki xelq'ara yighinda téléwizor arqiliq sözligen. Grénspanning tekitlishiche, xelq pulini erkin qoyuwétish xitay iqtisadigha paydiliqken. U, "méningche xitay muwapiq bir waqitni tépip tedbir qollinishi kérek," dep körsetti. Emma jaw shyawchüen, xelq pulining qimmitidiki özgürüshning jonggo iqtisadigha körsitidighan tesirini chongqur analiz qilishimizgha toghra kélidu, dep tekitligen. U, xelq pulining qimmitini özgertish toghrisidiki xelq'ara bésimlar iqtisadi telepni emes, siyasi ihtiyajni asas qilghan, dep körsetken. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet