Amérika xelq puli siyasiti toghrisida xitaygha bésim ishlitishni kücheytti

"Wall strét zhornal géziti" ning xewer qilishiche, amérika xelq pulining qimmitini téximu erkin qoyuwétish toghrisida xitaylargha nesihet qilip, eger xitaylar buni ret qilsa amérika dölet mejlisining tedbir qollinidighanliqini agahlandurghan.

Xewerge qarighanda amérika maliye ministirliqi xitay da'irilirining 8 hepte ilgiri jakarlighan xelq pulining qimmitini nahayiti az miqdarda östürgenlikidin ümidsizken.

Amérika maliye ministir jon sinow, bu ayning axirlirida xitay maliye ministiri jin rénching we xelq bankisining mudiri jaw shyawchü'enler bilen bu mesile toghrisida söhbet ötküzidu. Amérika maliye ministirlikidiki da'irilerning tekitlishiche, yighinda jon sinow xelq pulining qimmiti yiterlik östürülmigenlikini otturigha qoyidiken.

Amérika dölet mejlisidiki zatlar, xelq pulining qimmiti amérika shirketlirining sodisi we amérikida ishsizliqni éghirlashturmaqta, dep eskertip, buninggha qarshi tedbir alidighanliqini agahlandurmaqta idi.

Xitay hökümiti bu yil 7- ayda xelq pulining qimmitini 2.1٪ Östürgen. Emma xitay xelq bankisining mudiri jaw shyawchü'en, ötken ayda xelq pulini bir qétimdila tengsheymen dégili bolmaydu, dep körsetken. (Erkin)