Sinow xitayni xelq pulining qimmitini qoyuwétishke chaqirdi

Amérika maliye ministiri jon sinow seyshenbe küni xitaydiki ziyaritini bashlidi. U, shu küni xitay hökümitidin xelq pulini kontrol qilishni boshashturup, pulning qimmitini bazar arqiliq tengsheshke chaqirdi.

Amérika xitayni xelq pulining qimmitini erzen tutush arqiliq xitaygha adaletsiz riqabet pursiti yaritip, amérika karxanilirini ziyan'gha uchratti, dep eyiblimekte.

Xitay dölet tereqqiyat we islahat komitétining ashkarilishiche, xitay iqtisadining tereqqiyat sür'iti bu yilning deslepki 9 éyida % 9.4 Ashqan. Xitay iqtisadining tereqqiyati we tashqi sodining téz köpiyishi amérika we yawropa ellirige jiddiy bésim shekillendürmekte. Bolupmu xelq pulining qimmiti eng muhim mesile bolup hésablinidu.

Xitay bu yil 7 - ayda xelq pulining qimmitini% 2.1 Östürgen. Emma bu bush hökümiti we amérika dölet mejlisi teripidin yiterlik, dep qaralmidi.

Sinow, yaponiyidin shangxeyge qarap yolgha chiqish aldida muxbirlarni kütüwélish yighini chaqirip, "biz xitayning pul qimmitini téximu bazarlashturush wedisige emel qilishini jiddiy arzu qilimiz," dédi.

Sinowning tekitlishiche, téximu heriketchan pul tüzümi xitayning menpe'etige paydiliq bolupla qalmay, yer shari iqtisadi üchünmu paydiliq iken. U, xitayning ichki bazar éhtiyajini kéngeytip, importni köpeytishini telep qildi. (Erkin)