Amérika maliye ministiri xelq puli heqqide xitaygha yene bésim ishletti


2005.10.16

Xitayda ötküzülgen 20 dölet xelq'ara ministirlar yighinigha qatnishiwatqan amérika maliye ministiri jon snow xitay emeldarliri bilen söhbet bashlap, amérika shirketlirining xitay bazirigha kirishini qandaq ilgiri sürüsh mesiliside kéngeshmekte. Bu söhbetning asasliq nuqtisi yene, xitayni xelq pulini tengsheshke ündeshke merkezlishidu.

Ikki terep otturisidiki bu söhbet, 20 dölet söhbiti axirlashqandin kéyin bashlan'ghan bolup, buninggha jon snowdin bashqa yene, amérika fédéral xezine komitétining re'isi grin spenmu qatnashti. Nöwette siyasiy analizchilar, bu qétim amérika emeldarlirining xitaygha xelq pulini tengshesh heqqide bir qeder küchlük bésim ishlitidighanliqini perez qilishmaqta.

20 Dölet maliye ministirlar yighini yekshenbe küni axirlashqandin kéyin, birleshme bayanat élan qilindi. Bayanatta asasliqi, yéngi tedbirler bilen namratchiliqni azaytish, erkin sodini ilgiri sürüsh we dunya iqtisadining muqimliqini saqlash qatarliq mezmunlar otturigha qoyuldi.

Béyjing da'iriliri gerche amérikining bésimi bilen bu yil 7 -ayda xelq pulining qimmitini 2.1% Östürgen bolsimu, lékin amérika hökümiti buning téxi yéterlik emeslikini, emeliyette xitay xelq pulini az dégende 30% töwen kontrol qiliwalghanliqini tekitlidi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.