Хитайниң һәрбий тәйярлиқи асиядики муқимсизлиқ амили дәп қаралмақта


2005.02.14
Share on WhatsApp
Share on WhatsApp

Тәйвән мәркизи ахбарат агентлиқиниң билдүрүшичә, америка билән японийә хитайниң һәрбий һазирлиқини күчәйтишини вә шундақла шималий корийиниң ядро тәрәққиятини асия-тинч окяндики муқимсизлиқни кәлтүрүп чиқиридиған амиллар дәп қарайдикән.

Хәвәргә қариғанда, америка вә японийә һөкүмити 19 - фиврал күни икки дөләт " бихәтәрликкә капаләтлик қилиш кеңәш комитети" ниң йиғинини ечип, "ортақ истратегийилик нишан" ни бәлгиләп чиқидикән.

Буниңда, "хитайниң һәрбий һазирлиқни күчәйтиши" вә "шималий корийиниң ядро қоралларни тәрәққи қилдуруши" асия- тинч окян бихәтәрликигә тәсир йәткүзиватқан амиллар қатарида оттуриға қоюлидикән.

Хәвәрдә ейтилишичә, икки дөләт әмәлдарлири йиғинда йәнә, японийидә турушлуқ америка армийисини қайтидин қандақ орунлаштурушниму музакирә қилидикән. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.