Хитайниң тибәттики бастуруш һәрикити, хитай билән бәзи дөләтләр оттурисидики мунасивәтләрниң җиддийлишишигә сәвәб болмақта


2008-03-27
Share

Һиндистан һөкүмити, пәйшәнбә күни, һиндистан тиҗарәт министири камал натниң хитайға қилмақчи болған зияритини бикар қилди.

Хәвәрләргә қариғанда, хитай һөкүмити, тибәтләрниң һиндистанниң һәр қайси шәһәрлиридә давамлишиватқан намайишлириға наразилиқ билдүрүш үчүн, пәйшәнбә күни кечә саәт иккидә, һиндистанниң хитайда турушлуқ баш әлчисини ташқи ишлар минстирлиқиға чақиртқан.

Һиндистан һөкүмити, хитайниң бу һәрикитигә наразилиқ билдүрүш үчүн, тиҗарәт министири камал натниң хитайға қилмақчи болған зияритини бикар қилған.

Бу арида хитай һөкүмити, дунядики һәр қайси дөләт рәһбәрлириниң, тибәт мәсилисини бир тәрәп қилиш үчүн, далай лама билән қайтидин сөһбәт башлаш тоғрисидики тәләплирини рәт қилди. Чаршәнбә күни, америка президенти җорҗ буш, хитай дөләт рәиси ху җинтав билән телефон арқилиқ көрүшүп, униңдин тибәт мәсилисини бир тәрәп қилиш үчүн, далай ламаниң вәкиллири билән сөһбәтни қайтидин башлишини тәләп қилған иди.

Пәйшәнбә күни, хитай ташқи ишлар министирлиқи тәрипидин елан қилинған баянатта көрситилишичә, хитай дөләт рәиси ху җинтав президент җорҗ бушқа, далай лама тибәтниң мустәқиллиқи үчүн елип бериватқан күришидин ваз кечип, тибәттики наразилиқ һәрикәтлирини, күшкүртүш паалийитини тохтатмиғичә һечқандақ сөһбәт өткүзүш мумкин әмәс, дегән.

10‏ - Март күни тибәтниң пайтәхти лхаса шәһиридә башланған наразилиқ һәрикәтлири кеңийип, тоқунушқа айланғандин бери, дунядики һәр қайси дөләт рәһбәрлири хитай һөкүмитини сәвирчан болушқа вә тибәт мәсилисини бир тәрәп қилиш үчүн, далай лама билән қайтидин сөһбәт башлашқа чақирмақта. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт