Xitayning tibettiki basturush herikiti, xitay bilen bezi döletler otturisidiki munasiwetlerning jiddiylishishige seweb bolmaqta


2008-03-27
Share

Hindistan hökümiti, peyshenbe küni, hindistan tijaret ministiri kamal natning xitaygha qilmaqchi bolghan ziyaritini bikar qildi.

Xewerlerge qarighanda, xitay hökümiti, tibetlerning hindistanning her qaysi sheherliride dawamlishiwatqan namayishlirigha naraziliq bildürüsh üchün, peyshenbe küni kéche sa'et ikkide, hindistanning xitayda turushluq bash elchisini tashqi ishlar minstirliqigha chaqirtqan.

Hindistan hökümiti, xitayning bu herikitige naraziliq bildürüsh üchün, tijaret ministiri kamal natning xitaygha qilmaqchi bolghan ziyaritini bikar qilghan.

Bu arida xitay hökümiti, dunyadiki her qaysi dölet rehberlirining, tibet mesilisini bir terep qilish üchün, dalay lama bilen qaytidin söhbet bashlash toghrisidiki teleplirini ret qildi. Charshenbe küni, amérika prézidénti jorj bush, xitay dölet re'isi xu jintaw bilen téléfon arqiliq körüshüp, uningdin tibet mesilisini bir terep qilish üchün, dalay lamaning wekilliri bilen söhbetni qaytidin bashlishini telep qilghan idi.

Peyshenbe küni, xitay tashqi ishlar ministirliqi teripidin élan qilin'ghan bayanatta körsitilishiche, xitay dölet re'isi xu jintaw prézidént jorj bushqa, dalay lama tibetning musteqilliqi üchün élip bériwatqan kürishidin waz kéchip, tibettiki naraziliq heriketlirini, küshkürtüsh pa'aliyitini toxtatmighiche héchqandaq söhbet ötküzüsh mumkin emes, dégen.

10‏ - Mart küni tibetning paytexti lxasa shehiride bashlan'ghan naraziliq heriketliri kéngiyip, toqunushqa aylan'ghandin béri, dunyadiki her qaysi dölet rehberliri xitay hökümitini sewirchan bolushqa we tibet mesilisini bir terep qilish üchün, dalay lama bilen qaytidin söhbet bashlashqa chaqirmaqta. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet