Nigériye partizanliri xitay shirketlirini agahlandurdi

Shenbe küni nigériyining néfit chiqirish rayonida bir partlitish herikiti élip barghan partizanlar, rayonda meblegh salghan xitay hökümiti we xitay karxanichilirini agahlandurup, bundin kéyin rayondiki xitay karxanichiliri we hökümet xadimlirini "oghrilar" dep qarap, ularni hujum nishani qilidighanliqini bildürdi.

Ötken hepte afriqa döletliride ziyarette bolghan xitay dölet re'isi xujintaw ötken charshenbe küni négiriye prézidénti abasanju bilen néfit qidirish qatarliq birnechche soda kélishimlirige qol qoyghan idi.

Nigériye déltisini qutquzush herikitining bayanatchisi xewer agéntliqlirigha ewetken bayanatida, shenbe kündiki mashina partlitish weqesining axirqi agahlandurush ikenlikini, rayondiki partizanlarning bundin kéyin, néfit ishchiliri, néfit ishlepchiqirish qurulushliri, rayondiki körük we rayonda pa'aliyet élip bériwatqan néfit shirketlirining idarilirini hujum nishani qilidighanliqini bildürdi.

Partizanlarning bayanatida, bolupmu rayonda pa'aliyet élip bériwatqan xitay shirketliri we xitay ishchiliri qattiq tenqid qilin'ghan hemde biz xitay hökümitini we xitay néfit shirketlirini nigériye déltisini boshutush toghrisida agahlandurimiz. Rayondiki néfit qurulushlirida qalidighan xitay ishlirini oghri dep qaraymiz. Xitay hökümiti oghrilan'ghan néfitge meblegh sélish arqiliq, özining puqralirini bizrning hujum nishanimizgha aylandurmaqta, dégen.

Nigériye déltisi qutquzush herikiti, rayonda yüz bergen nurghunlighan partlitish heriketlirining mes'uliyitini öz üstige alghan idi. (Qanat)