فرانسىيە خىتاينى ئافرىقىدىكى توقۇنۇش بولۇۋاتقان دۆلەتلەرنى قورال - ياراقلار بىلەن تەمىنلىمەكتە، دەپ ئەيىبلىدى
2006.12.15
فرانسىيە دۆلەت مۇداپىئە مىنىستىرى مىشېل ئالىئوت مارېىي، خىتاينى ئافرىقىدىكى توقۇنۇش بولۇۋاتقان دۆلەتلەرگە ناھايىتى كۆپ مىقداردا قورال - ياراق سېتىپ، قورال - ياراق ئىمبارگوسىغا بۇزغۇنچىلىق قىلدى، دەپ ئەيىبلىدى.
مىشېل ئاللىئوت مارېىي ئالدىنقى كۈنى فرانسىيە پارلامېنتىنىڭ كېڭەش پالاتاسىدا " خىتاي ئافرىقا قۇرۇقلۇقىدا ئاكتىپ پائالىيەت قىلىۋاتقان دۆلەتلەرنىڭ بىرى "دەپ تەرىپلىدى. ئۇ، " شۇنىڭ ئۈچۈن بىز بۇنىڭغا دىققەت قىلىشىمىز كېرەك، يەنى بىز قورال - ياراق ئىمبارگوسى قويغان دۆلەتلەردە دائىم خىتاينىڭ قورال - ياراقلىرىنى ئۇچرىتىۋاتىمىز " دەپ تەكىتلىگەن.
مارېىينىڭ ئەسكەرتىشىچە، چاد ۋە ئوتتۇرا ئافرىقا جۇمھۇرىيەتلىرىگە ئەۋەتىلگەن فرانسىيە ئەسكەرلىرى بۇ دۆلەتلەردىكى قوراللىق ئۇنسۇرلارنىڭ قولىدا خىتاي قوراللىرىنى بايقىغان. چاد بىلەن ئوتتۇرا ئافرىقا جۇمھۇرىيىتى فرانسىيىنىڭ كونا مۇستەملىكىسى بولۇپ، بۇ 2 دۆلەت سۇداننى مەزكۇر دۆلەتلەردىكى توپىلاڭچىلارنى قوللاش بىلەن ئەيىبلىمەكتە ئىدى.
سۇدان بولسا خىتاينىڭ ئافرىقىدىكى ئەڭ يېقىن شېرىكى. خىتاي سۇدان نېفىت سانائىتىگە كۆپلەپ مەبلەغ سالماقتا. بۇ يىل 6 - ئايدا خەلقئارا كەچۈرۈم تەشكىلاتى خىتاينى سۇدانغا كۆپلەپ قورال - ياراق سېتىش بىلەن ئەيىبلىگەن.
لېكىن خىتاي دائىرىلىرى فرانسىيە دۆلەت مۇداپىئە مىنىستىرىنىڭ سۆزىنى " خىتاي - ئافرىقا مۇناسۋىتىگە قىلىنغان " ئىغۋاگەرچىلىك" دەپ ئەيىبلىدى. خىتاي تاشقىي ئىشلارمىنىستىرلىقى باياناتچىسى چىن گاڭ "جۇڭگو - ئافرىقا مۇناسىۋىتىگە ئىغۋاگەرچىلىك قىلىدىغان ھەر قانداق سۆز - ھەرىكەتلەر خەلقنىڭ قارشى ئېلىشىغا ئېرىشمەيدۇ " دەپ كۆرسەتتى. (ئەركىن)
مۇناسىۋەتلىك ماقالىلار
- ياۋروپا مەتبۇئاتلىرى: خىتاي-ئافرىقا ئېنېرگىيە ھەمكارلىقى ياۋروپاغا تەھدىت
- ئامېرىكا، خىتاي رەھبەرلىرى تېلېفوندا شىمالىي كورىيە ۋە دارفۇر مەسىلىسىنى مۇزاكىرە قىلدى
- خىتاي - ئافرىقا مۇناسىۋەتلىرى ياۋروپالىقلارنى بىئارام قىلماقتا
- خىتاي-ئافرىقا مۇھاكىمىسى ۋە خۇ جىنتاۋ ئىپادىلىگەن سىياسىي بۇرۇلۇش
- ئامېرىكا خىتاينى ئافرىقىدا "ئىجابىي رول" ئويناشقا چاقىردى
كۆپ كۆرۈلگەن خەۋەرلەر
RFA
- ئابدۇۋەلى ئايۇپ: «خىتايغا بېرىپ كېلىۋاتقان ئۇيغۇرلارنىڭ كۆپىيىشى جىددىي مەسىلە!»
- ھامۇتخان كۆكتۈرك: خىتاينىڭ پۇلى بىلەن خىتاينىڭ مېھمانى بولۇپ ۋەتەنگە بارغانلار شەرقىي تۈركىستان دەۋاسىغا خىيانەت قىلغان بولىدۇ
- قىرغىزىستان ۋە ئۆزبېكىستاننىڭ مۇستەقىللىقى شۇ دۆلەتلەردە ياشايدىغان ئۇيغۇرلارغا نېمىلەرنى ئاتا قىلدى؟
- ئانالىزچىلار: نارازىلىقىنى ئىپادىلىگەن خەلقنى قوراللىق ئەسكەر بىلەن باستۇرۇش پەقەت خىتايدەك مۇستەبىت ھاكىمىيەتكە مەنسۇپ
- مۇتەخەسسىسلەر: خىتاي ھۆكۈمىتى تەيۋەنلىكلەرنىمۇ ئۇيغۇر ئېلىدىكى جىنايەتلىرىگە شېرىك قىلماقچى