Fransiye xitayni afriqidiki toqunush boluwatqan döletlerni qoral - yaraqlar bilen teminlimekte, dep eyiblidi


2006.12.15
Share on WhatsApp
Share on WhatsApp

Fransiye dölet mudapi'e ministiri mishél ali'ot maréiy, xitayni afriqidiki toqunush boluwatqan döletlerge nahayiti köp miqdarda qoral - yaraq sétip, qoral - yaraq imbargosigha buzghunchiliq qildi, dep eyiblidi.

Mishél alli'ot maréiy aldinqi küni fransiye parlaméntining kéngesh palatasida " xitay afriqa quruqluqida aktip pa'aliyet qiliwatqan döletlerning biri "dep teriplidi. U, " shuning üchün biz buninggha diqqet qilishimiz kérek, yeni biz qoral - yaraq imbargosi qoyghan döletlerde da'im xitayning qoral - yaraqlirini uchritiwatimiz " dep tekitligen.

Maréiyning eskertishiche, chad we ottura afriqa jumhuriyetlirige ewetilgen fransiye eskerliri bu döletlerdiki qoralliq unsurlarning qolida xitay qorallirini bayqighan. Chad bilen ottura afriqa jumhuriyiti fransiyining kona mustemlikisi bolup, bu 2 dölet sudanni mezkur döletlerdiki topilangchilarni qollash bilen eyiblimekte idi.

Sudan bolsa xitayning afriqidiki eng yéqin shériki. Xitay sudan néfit sana'itige köplep meblegh salmaqta. Bu yil 6 - ayda xelq'ara kechürüm teshkilati xitayni sudan'gha köplep qoral - yaraq sétish bilen eyibligen.

Lékin xitay da'iriliri fransiye dölet mudapi'e ministirining sözini " xitay - afriqa munaswitige qilin'ghan " ighwagerchilik" dep eyiblidi. Xitay tashqiy ishlarministirliqi bayanatchisi chin gang "junggo - afriqa munasiwitige ighwagerchilik qilidighan her qandaq söz ‏- heriketler xelqning qarshi élishigha érishmeydu " dep körsetti. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet