Хитай африқидики замбийә билән 800 милйон долларлиқ мәбләғ селиш келишими имзалиди


2007.02.04

Хитай дөләт рәиси ху җинтавниң африқиға қаратқан истратегийилик зиярити җәрянида хитай африқа дөләтлири билән бир қатар сода-иқтисадий келишимләрни имзалиған болуп, хитай ахбарат вастилириниң ашкарилишичә, ху җинтав шәнбә күни замбийә сәпиридә мазкур африқа дөлитиниң президенти муванава билән бир қатар иқтисадий келишимләрни имзалиди.

Б б с агентлиқиниң учур беришичә, ху җинтав замбийигә 800 милйон долларни мәбләғ сүпитидә қәрз беришкә қошулған шуниң билән бир вақитта йәнә замбийиниң хитайға қайтурушқа тегишлик 800 милйон доллар қәрзини кәчүрүм қиливетишкә вәдә бәргән.

Келишим бойичә хитай замбийидә мис кани қешишқа мәбләғ сәлишқа, замбийиниң шималида хитай ширкитиниң бир иқтисадий алаһидә райони қурушқа пүтүшүлгән.

Лекин, ху җинтавниң замбийә зиярити қаршилиқларға дуч кәлгән болуп, б б с агентлиқиниң учуридин қариғанда, замбийидики "вәтәнпәрвәрләр бирлик сепи "дәп аталған бир тәшкилат хитайни " замбийиниң байлиқлирини қолға кәлтүрүшкә урунуш вә иқтисадий мустәмликичилик" билән тәнқид қилған.

2005-Йили замбийидики хитай игидарчилиқидики бир мис кан ишчилири намайиши өткүзүп, хитай хоҗайинларниң ишчиларни әзгәнликигә наразилиқ билдүргән. Мәзкур тәшкилат йәнә хитайларни қоғлап чиқирип, тәйвән билән мунасивәт орнитишни тәшәббус қилған.

Замбийә дуня бойичә мис әң көп чиқидиған дөләт болуп, шу сәвәбтин хитай замбийә билән болған һәмкарлиқни күчәйтишкә әһмийәт бәргән икән. (Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.