Xu jintawning afriqidiki ziyariti tenqidke uchrimaqta
2007.02.05
Afriqa döletlirige qaratqan ziyaritini dawamlashturuwatqan xitay dölet re'isi xujintaw, düshenbe küni zambiyidin namibiyige kélip namibiyining prézidénti héfiképonye pohamba bilen ikki dölet otturisidiki iqtisadiy we siyasiy munasiwetlerni tereqqi qildurush mesilisini muzakire qildi.
Namibiye bilen xitay otturisida iqtisadiy, siyasiy, ma'arip we mudapi'e saheliride yéqin hemkarliq mewjut bolup, xu jintawning bu qétimqi ziyariti bilen xitay hökümiti bu munasiwetlerni téximu yuqiri pellige kötürüshni meqset qilmaqta.
Gerche xitay hökümiti afriqa döletlirige meblegh sélish we afriqa döletlirini töwen ösümlük we uzun muddetlik qerz bilen teminlep, ularning iqtisadiy jehettin tereqqiyatigha hesse qoshuwatqanliqini tekitlewatqan bolsimu, emma xitay hökümitining afriqa döletliri bilen munasiwetlirini tereqqiy qildurushta kishilik hoquq mesilisini qilche nezer ge almighanliqi gherb döletliri we kishilik hoquq teshkilatlirining tenqidige uchrimaqta.
Gherb döletliri we xelq'ara kishilik hoquq teshkilatliri xitay hökümitining bolupmu sudan we zambiye qatarliq afriqidiki kishilik hoquqni eng köp depsende qiliwatqan döletler bilen yéqin munasiwet ornitishi we xelq'ara sehnide ularni qollishini qattiq tenqid qilmaqta.
Peqet gheb döletlirila emes, afriqidiki soda da'iriliri we emgekchiliri birdek xitay hökümitining afriqa döletlirige qaratqan siyasitini qattiq tenqid qilip, xitay hökümitini, afriqa döletlirining teb'iy bayliqlirini bulang - talash qilip, afriqa bazarlirini erzan xitay tawarliri bilen toldurush arqiliq, afriqida yéngi mustemlikichilik siyasiti élip bériwatidu, dep eyiblimekte. (Qanat)
Munasiwetlik maqalilar
- Xitay afriqidiki zambiye bilen 800 milyon dollarliq meblegh sélish kélishimi imzalidi
- Nigériyide xitay ishchiliri yene görüge élindi
- Amérika xitaydin sudan mesiliside b d t bilen hemkarlishishni telep qildi
- Nigériyide besh xitay ishchisi görüge élindi
- Fransiye xitayni afriqidiki toqunush boluwatqan döletlerni qoral - yaraqlar bilen teminlimekte, dep eyiblidi