Amérika xitayni sudan mesiliside téximu aktip bolushqa chaqirdi

Xitay dölet re'isi xu jintaw afriqa ellirini ziyaret qiliwatqan bir mezgilde, amérika prézidéntining sudan mesilisi buyiche alahide elchisi andr'i'o natsh'i'os, xitay da'irilirini darfur rayonidiki krizisni hel qilishta téximu aktip tedbir qollinishqa chaqirdi.

Nats'i'os peyshenbe küni amérika dölet mejlisidiki ispat bérish yighinida, xitayning sudandiki iqtisadi meblighi xitayni darfur rayonidiki krizisni bir terep qilishta sel qarighili bolmaydighan tesir küchge ige qilmaqta, dep körsetti. Natsh'i'osning eskertishiche, u xitaylargha xelq'ara jem'iyetning darfur mesiliside béyjing bilen hemkarlishish arzusi barliqini yetküzgen. U, ötken hepte béyjingni ziyaret qilghanda xitay da'irilirini darfur mesiliside téximu köp tirishchanliq körsitishke ündigen idi.

Yighinda awam palata xelq'ara munasiwetler komitétining re'isi tam lantos, amérika sudanning ruxsitini almay turupmu darfur rayonigha b d t qisimlirini kirgüzüsh mumkinchiliki üstide oylap körüshi kérek, dédi. Nöwette xitay dölet re'isi xu jintaw 10 künlük afriqa sepirining axirqi békiti séyshélni ziyaret qilishqa bashlidi. U, bu sepiride sudanni ziyaret qilghan shundaqla sudan prézidénti el - bashir bilen darfur mesilisini muzakire qilghan. (Erkin)