Amérika -xitay istratégiyilik iqtisadiy di'alogi axirlashti, emma mesile yenila mewjut


2007-05-23
Share

Amérika bilen xitay otturisidiki ikkinchi qétimliq yuqiri derijilik istratégiyilik iqtisadiy di'alog 22 ‏- may küni washin'gtonda bashlan'ghan idi. Xongkong uchur wastilirining bayan qilishiche, xitayning mu'awin bash ministiri wuyi xanim , maliye ministiri, merkizi bankining bashliqi qatarliq 160 nechche kishilik ömekni bashlap amérikigha kelgen.

Bu qétimqi di'alogda amérikining maliye ministiri pawlsun ependi soda tengpungliqi, xitay pulining priwot nisbiti, xitayda islahatni tézlitish, xitayning pul-mu'amile baziri, éléktronluq uchur baziri we soda, hawa yollirining xelq'aragha échiwétilishi, bixeterlik hemkarliqi, muhitni asrash we téxnika yéngiliqi, eqliy mülükni qoghdash qatarliq 10 noqtini otturigha qoyghanda, xitayning mu'awin bash minisitiri wuyi xanim xitay pulining priwot nisbitini, eqliy mülükni qoghdash, pul-mu'amile mulazimiti qatarliq bir nechche mesilide kajliq bilen munazire qilghan.

B b s ning xewer qilishiche, bu qétim amérikida ötküzülgen ikkinchi qétimliq amérika-xitay istratégiyilik iqtisadiy di'alogi 23 ‏- may küni axirlashqanda, gerche pul -mu'amile, énérgiye, muhit asrash, hawa yolliri jehetlerde 'uzun musapiliq kélishim' tüzülüp bezi ilgirilesh bolghan bolsimu, emma xitay pulining priwot nisbiti qatarliq qéyin mesililer yenila mewjut.(Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet