Америка-хитай истратегийилик сөһбәтлири аяғлашти


2007-06-23
Share

Төтинчи нөвәтлик америка- хитай истратегийилик сөһбтиигә қатнашқан хитай ярдәмчи ташқи ишлар минситири дае беңго җүмә күни айрим -арим һалда америка ташқи ишлар минситири кондализа райс вә миллий бихәтәрлик кеңишиниң рәиси стефан һадли билән көрүшүп, икки дөләт мунасивәтлири, хәлқара вә район характерлик мәсилиләрдә пикир алмаштурди.

Чаршәнбә вә пәйшәнбә күнлири вашнгтоинда өткүзүлгән америка- хитай истратегийилик сөһбәтлиридә хитай вәкилләр өмикигә риясәтчилик қилған дае беңго, мухбирларға бәргән баянатида, йеқинқи йиллардин бери хитай-америка мунасивәтлириниң көп тәрәққий қилғанлиқини, икки дөләт оттурисидики мунасивәтләрниң техиму тәрәққи қилиши үчүн, һәр икки тәрәпниң өз-ара истратегийилик ишәнч турғузуш үчүн, икки дөләтниң бирдәк күч чиқириши керәкликини тәкитлиди.

Тәйвән мәсилсини мувапиқ бир тәрәп қилиш үчүн, икки тәрәпниң мәсулийәтчанлиқ билән һәрикәт қилиши керәкликини билдүргән хитай ташқи ишлар ярдәмчи минситири, буниң һәм икки дөләт мунаисвәтлириниң тәрәққияти үчүн һәм дуня тинчлиқи үчүн муһим икәнликини тәкитлигән.

Хәвәрләргә қариғанда, америка- хитай истратегийилик сөһбәтлири җәрянида, америка тәрәп, америка һөкүмитиниң бир җоңгу сияситидә һечқандақ өзгирш йүз бәрмигәнликини тәкитлигән.

Америка ташқи ишлар минстирлиқи тәрипидин бу мунасивәт билән елан қилинған баянатта, сөһбәтләр җәрянида кишилик һоқуқ , иран, шималий корийә вә дарфур қатарлиқ мәсилиләрниңму музакирә қилинғанлиқи билдүрүлгән.(Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт