Amérika-xitay istratégiyilik söhbetliri ayaghlashti


2007-06-23
Share

Tötinchi nöwetlik amérika- xitay istratégiyilik söhbti'ige qatnashqan xitay yardemchi tashqi ishlar minsitiri daé bénggo jüme küni ayrim -arim halda amérika tashqi ishlar minsitiri kondaliza rays we milliy bixeterlik kéngishining re'isi stéfan hadli bilen körüshüp, ikki dölet munasiwetliri, xelq'ara we rayon xaraktérlik mesililerde pikir almashturdi.

Charshenbe we peyshenbe künliri washn'gto'inda ötküzülgen amérika- xitay istratégiyilik söhbetliride xitay wekiller ömikige riyasetchilik qilghan daé bénggo, muxbirlargha bergen bayanatida, yéqinqi yillardin béri xitay-amérika munasiwetlirining köp tereqqiy qilghanliqini, ikki dölet otturisidiki munasiwetlerning téximu tereqqi qilishi üchün, her ikki terepning öz-ara istratégiyilik ishench turghuzush üchün, ikki döletning birdek küch chiqirishi kéreklikini tekitlidi.

Teywen mesilsini muwapiq bir terep qilish üchün, ikki terepning mes'uliyetchanliq bilen heriket qilishi kéreklikini bildürgen xitay tashqi ishlar yardemchi minsitiri, buning hem ikki dölet muna'iswetlirining tereqqiyati üchün hem dunya tinchliqi üchün muhim ikenlikini tekitligen.

Xewerlerge qarighanda, amérika- xitay istratégiyilik söhbetliri jeryanida, amérika terep, amérika hökümitining bir jonggu siyasitide héchqandaq özgirsh yüz bermigenlikini tekitligen.

Amérika tashqi ishlar minstirliqi teripidin bu munasiwet bilen élan qilin'ghan bayanatta, söhbetler jeryanida kishilik hoquq , iran, shimaliy koriye we darfur qatarliq mesililerningmu muzakire qilin'ghanliqi bildürülgen.(Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet