ئامېرىكا دۇنيا سودا تەشكىلاتى خىتايدىن نەشىر ھوقۇقىنى قوغداشتا جىددى تەدبىر ئېلىشنى تەلەپ قىلدى


2007.08.14

دۈشەنبە كۈنى ئامېرىكا دۇنيا سودا تەشكىلاتىدىن خىتاينى نەشىر ھوقۇقىنى قوغداشتا جىددى تەدبىر ئېلىشقا قىستاشنى تەلەپ قىلدى.

بىر يىلغا يەتمىگەن ۋاقىت ئىچىدە ئامېرىكا خىتاي سودا مۇناسىۋىتىدىكى ئەقلىي مۈلۈك ھوقوقى ھەمدە نەشىر ھوقۇقىنى ئۆز ئىچىگە ئالغان مەسىلىلەردە تۇغۇلغان ئىختىلاپلارنى ھەل قىلىشتا ئۈچ قېتىم دۇنيا سودا تەشكىلاتىغا ئەرز سۇنغان.

فرانسىيە ئاخباراتىنىڭ بۇ ھەقتىكى خەۋىرىدە ئامېرىكىنىڭ دۇنيا سودا تەشكىلاتىدىكى ۋەكىلىنىڭ سۆزىنى نەقىل كەلتۈرۈشىچە ، "خىتاينىڭ قانۇنى قانۇنسىز كۆچۈرۈپ تارقاتقۇچىلارغا يول ئېچىپ بەرمەكتە. خىتاينىڭ ئەقلىي مۈلۈك ھەمدە نەشىر ھوقوقىغا دەخلى قىلغانلارغا بېرىلىدىغان جازا ، ھەمدە مەخسۇس نەشىر ھوقوقى قانۇنىنى يولغا قويمىغاندىن باشقا يالغان ماللارنىڭ ئېكىسپورت قىلىنىشىنى توساشقا قاتتىق تەدبىر قوللانمىغاچقا ، يالغان ھەمدە سۈپەتسىز خىتاي ماللىرى داۋاملىق باشقا ئەللەرگە ئېكىسپورت قىلىنماقتا."

ئامېرىكا دۇنيا سودا تەشكىلاتىنىڭ 31 ئاۋغۇست ئېچىلىدىغان ئۆتكۈر مەسىلىلەرنى بىر تەرەپ قىلىش يىغىنىدا خىتاينىڭ ھۆكۈمىتىنىڭ نەشىر ھەمدە ئەقلىي مۈلۈك ھوقوقىنى قوغداشتا جىددى تەدبىر ئېلىشى مەسىلىسىنىڭ مۇزاكىرىگە قويىلىشىنى تەلەپ قىلدى.

ئەنگىلىيە ب ب س رادىئو تېلىۋېزىسىنىڭ خەۋىرىدە ئېيتىلىشىچە , يەنە خىتاي دۆلەت مۇئاۋىن مىنىستىرى ۋۇيى ئامېرىكىنىڭ بۇ ئەيىبلىشىگە نارازىلىق بىلدۈرگەن بولسىمۇ ئەمما كۆرۈلگەن مەسىلىلەرگە بەلگىلىمىلەر بويىچە تەدبىر كۆرىدىغانلىقىنى ئىپادىلىگەن. (گۈلچېھرە)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.