Америка дуня сода тәшкилати хитайдин нәшир һоқуқини қоғдашта җидди тәдбир елишни тәләп қилди


2007-08-14
Share

Дүшәнбә күни америка дуня сода тәшкилатидин хитайни нәшир һоқуқини қоғдашта җидди тәдбир елишқа қисташни тәләп қилди.

Бир йилға йәтмигән вақит ичидә америка хитай сода мунасивитидики әқлий мүлүк һоқоқи һәмдә нәшир һоқуқини өз ичигә алған мәсилиләрдә туғулған ихтилапларни һәл қилишта үч қетим дуня сода тәшкилатиға әрз сунған.

Франсийә ахбаратиниң бу һәқтики хәвиридә америкиниң дуня сода тәшкилатидики вәкилиниң сөзини нәқил кәлтүрүшичә , "хитайниң қануни қанунсиз көчүрүп тарқатқучиларға йол ечип бәрмәктә. Хитайниң әқлий мүлүк һәмдә нәшир һоқоқиға дәхли қилғанларға берилидиған җаза , һәмдә мәхсус нәшир һоқоқи қанунини йолға қоймиғандин башқа ялған малларниң екиспорт қилинишини тосашқа қаттиқ тәдбир қолланмиғачқа , ялған һәмдә сүпәтсиз хитай маллири давамлиқ башқа әлләргә екиспорт қилинмақта."

Америка дуня сода тәшкилатиниң 31 авғуст ечилидиған өткүр мәсилиләрни бир тәрәп қилиш йиғинида хитайниң һөкүмитиниң нәшир һәмдә әқлий мүлүк һоқоқини қоғдашта җидди тәдбир елиши мәсилисиниң музакиригә қойилишини тәләп қилди.

Әнгилийә б б с радио теливезисиниң хәвиридә ейтилишичә , йәнә хитай дөләт муавин министири вуйи америкиниң бу әйиблишигә наразилиқ билдүргән болсиму әмма көрүлгән мәсилиләргә бәлгилимиләр бойичә тәдбир көридиғанлиқини ипадилигән. (Гүлчеһрә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт