Хитай америка истратегийилик диалоги давамлашмақта


2008-01-17
Share

Хитай һәрбий даирилири, дөләт мудапиә ташқи ишлар ишханисиниң муавин мудири, генрал майор диң җиңгуңни, гуйяңда өткүзүлидиған , хитай ‏- америка 5 ‏- қетимлиқ истратегийилик диалогиға қатнишишқа әвәтти.

Хитай - америка 5 ‏- қетимлиқ истратегийилик диалоги пәйшәнбә күни рәсмий башлинип, хитай ташқи ишлар министирлиқиниң муавин министири дәй биңго һәмдә америка ташқи ишлар муавин ярдәмчи министири негропонтиниң риясәтчиликидә елип берилди.

Хитай ‏- америка оттурисидики мәзкур истратегийилик диалогниң асаслиқ темиси, икки дөләт һәрбий қисимлири оттурисида өз ‏- ара ишәнч һасил қилиш болуп, америка тенч окян қисимлириниң баш қомандани адмирал китиң бу қетим хитайда елип барған зиярити давамида хитай азадлиқ армийисидики юқири дәриҗилик әмәлдарлар билән учришип , икки тәрәп мунасивитини яхшилаш үчүн тиришчанлиқ көрсәткән.

Хитай билән америка истратегийилик диалог орнитиши қарарини , 2004 ‏- йили 11 ‏- айда хитай дөләт рәиси ху җинтав билән америка президенти җорҗи буш чилида көрүшкәндә пүтүшкән , шундин етибарән икки дөләтниң али дәриҗилик ташқи ишлар хадимлири һәр йили бир қетим бу һәқтә учришип сөһбәтлишишкә башлиған .

Өткән йили 11 ‏- айда америкиниң "кичик лачин" авиаматка парахотлар топи хоңкоңда тохтап өтүшни пилан қилған , бирақ хитай тәрәп буниңға ипадә билдүрмигәндин кейин, парахотлар топи мәҗбурий тәйвән боғузи арқилиқ японийидики базисиға қайтқан болуп , бу икки дөләт һәрбий қисимлириниң мунасивитигә бир аз соғуқчилиқ елип кәлгән иди.

Бирақ адмирал китиң пәйшәнбә күни, өзиниң хитайда бу қетим елип барған зияритиниң, америка һәрбий парахотлириниң буниңдин кейин хоңкоңда тохтап өтушигә ярдими болидиғанлиқини тәкитлиди. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт