Xitay amérika istratégiyilik di'alogi dawamlashmaqta


2008-01-17
Share

Xitay herbiy da'iriliri, dölet mudapi'e tashqi ishlar ishxanisining mu'awin mudiri, génral mayor ding jinggungni, guyyangda ötküzülidighan , xitay ‏- amérika 5 ‏- qétimliq istratégiyilik di'alogigha qatnishishqa ewetti.

Xitay - amérika 5 ‏- qétimliq istratégiyilik di'alogi peyshenbe küni resmiy bashlinip, xitay tashqi ishlar ministirliqining mu'awin ministiri dey binggo hemde amérika tashqi ishlar mu'awin yardemchi ministiri négropontining riyasetchilikide élip bérildi.

Xitay ‏- amérika otturisidiki mezkur istratégiyilik di'alogning asasliq témisi, ikki dölet herbiy qisimliri otturisida öz ‏- ara ishench hasil qilish bolup, amérika ténch okyan qisimlirining bash qomandani admiral kiting bu qétim xitayda élip barghan ziyariti dawamida xitay azadliq armiyisidiki yuqiri derijilik emeldarlar bilen uchriship , ikki terep munasiwitini yaxshilash üchün tirishchanliq körsetken.

Xitay bilen amérika istratégiyilik di'alog ornitishi qararini , 2004 ‏- yili 11 ‏- ayda xitay dölet re'isi xu jintaw bilen amérika prézidénti jorji bush chilida körüshkende pütüshken , shundin étibaren ikki döletning ali derijilik tashqi ishlar xadimliri her yili bir qétim bu heqte uchriship söhbetlishishke bashlighan .

Ötken yili 11 ‏- ayda amérikining "kichik lachin" awi'amatka paraxotlar topi xongkongda toxtap ötüshni pilan qilghan , biraq xitay terep buninggha ipade bildürmigendin kéyin, paraxotlar topi mejburiy teywen boghuzi arqiliq yaponiyidiki bazisigha qaytqan bolup , bu ikki dölet herbiy qisimlirining munasiwitige bir az soghuqchiliq élip kelgen idi.

Biraq admiral kiting peyshenbe küni, özining xitayda bu qétim élip barghan ziyaritining, amérika herbiy paraxotlirining buningdin kéyin xongkongda toxtap ötushige yardimi bolidighanliqini tekitlidi. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet