Хитайға америкиниң һәрбий әслиһәлирини сатқан хитай содигәр түрмигә елинди


2007-12-04
Share

Америка калифорнийә штатида турушлуқ бир америкилиқ хитай муһаҗир, хитайға америкиниң қараңғуда синға елишқа ишлитилидиған инфира қизил нурлуқ син алғу аппаратини сатқанлиқи үчүн, икки йиллиқ қамақ җазасиға һөкүм қилинған. Инфира қизил нурлуқ син алғу апарати,америка дөләт мудапиә министирлиқи тәрипидин, америкиниң сәзгүр техника әсваблири, шундақла мәхпий һәрбий әслиһәлири ичигә елинған юқири техникилиқ әсваб болуп,сетиш шундақла екиспорт қилиш қәтий мәний қилиниду.

Б б с ниң хәвиригә қариғанда, бу йил 60 яшқа киргән,филлип чен исимлик бу хитай содигәр, җинайитини иқрар қилғандин кейин,қануний җавабкарлиққа тартилғандин башқа йәнә 50 миң америка доллири төләм җәриманә қоюлған. Филлип чен әсли 2004 - йили 6 ‏- айда мушу җинайәт билән әйибләнгән, 2006 - йили ечилған биринчи қетимлиқ сотта засдатилларниң бирликкә келәлмәслики сәвәблик сот кечиктүрүлгән икән.

Чен билән һәмкарлиқи бар дәп әйибләнгән, шең шисәй инфира қизил нурлуқ техника ширкити қурғучиси мартин ши, америка дөләт мудапиә министирлиқиниң рухситисиз инфира қизил нурлуқ аппаратни хитай һәрбий даирилиригә сетип бериш билән әйибләнгән болсиму,әмма у 2005 - йили өлгән икән.

Америка даирилири мартин ши билән филлип ченни хитай һәрбий даирилири билән америка техникисидин пайдилинип хитайда инфира қизил нурлуқ син аппаратини кәң көләмдә ишләпчиқиришни догварлашқан дәп әйиблигән. (Гүлчеһрә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт