Xitaygha amérikining herbiy eslihelirini satqan xitay sodiger türmige élindi


2007-12-04
Share

Amérika kaliforniye shtatida turushluq bir amérikiliq xitay muhajir, xitaygha amérikining qarangghuda sin'gha élishqa ishlitilidighan infira qizil nurluq sin alghu apparatini satqanliqi üchün, ikki yilliq qamaq jazasigha höküm qilin'ghan. Infira qizil nurluq sin alghu aparati,amérika dölet mudapi'e ministirliqi teripidin, amérikining sezgür téxnika eswabliri, shundaqla mexpiy herbiy esliheliri ichige élin'ghan yuqiri téxnikiliq eswab bolup,sétish shundaqla ékisport qilish qet'iy men'iy qilinidu.

B b s ning xewirige qarighanda, bu yil 60 yashqa kirgen,fillip chén isimlik bu xitay sodiger, jinayitini iqrar qilghandin kéyin,qanuniy jawabkarliqqa tartilghandin bashqa yene 50 ming amérika dolliri tölem jerimane qoyulghan. Fillip chén esli 2004 - yili 6 ‏- ayda mushu jinayet bilen eyiblen'gen, 2006 - yili échilghan birinchi qétimliq sotta zasdatillarning birlikke kélelmesliki seweblik sot kéchiktürülgen iken.

Chén bilen hemkarliqi bar dep eyiblen'gen, shéng shisey infira qizil nurluq téxnika shirkiti qurghuchisi martin shi, amérika dölet mudapi'e ministirliqining ruxsitisiz infira qizil nurluq apparatni xitay herbiy da'irilirige sétip bérish bilen eyiblen'gen bolsimu,emma u 2005 - yili ölgen iken.

Amérika da'iriliri martin shi bilen fillip chénni xitay herbiy da'iriliri bilen amérika téxnikisidin paydilinip xitayda infira qizil nurluq sin apparatini keng kölemde ishlepchiqirishni dogwarlashqan dep eyibligen. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet