Amérika xitaygha qaritilghan éksport soda cheklimisini kücheytishke bashlidi


2007.01.26

Xitay herbiy da'iriliri yéqinda alem boshluqidiki bir kona sün'i hemrani étip chüshürüsh siniqi élip barghandin kéyin, amérika soda da'iriliri xitaygha qaritilghan éksport soda cheklimisini kücheytishke bashlidi.

Amérika yardemchi soda ministiri kirsti'ofir padilla béyjingda, bu sinaqning xitaygha qaritilghan éksport soda cheklimisini kücheytishke sewebchi bolghanliqini bildürdi. Uning eskertishiche, "xitayning sün'iy hemragha qarshi bashqurulidighan bomba siniqi élip bérishtiki iqtidari we herbiy meqsiti xelq'ara jem'iyetni endishige salghan. "

Bu qétimqi sinaqning xitay herbiy tereqqiyatigha oxshash ashkare élip bérilmighanliqini tekitligen padilla, "bu xelq'ara jem'iyette xitayning herbiy küchini kücheytishtiki gherizi we muddi'asigha qarita chöchish peyda qilghanliqini bildürdi.

Padillaning eskertishiche, u béyjingdiki ziyariti jeryanida xitay da'irilirigha " mana bular amérikining nime üchün xitaygha nazuk téxnikilik mehsulatlarni éksport qilishta nahayiti sezgür ikenlikining sewebidur, " dep chüshendürgen.

Amérika soda ministirliki 2006- yili 7 - ayda xitaygha éksport qilinidighan mehsulatlarni bashqurushni kücheytishni, bolupmu " herbiy ishlarda ishlitishke" bolidighan bezi mehsulatlarni éskport qilishni chekleshni otturigha qoyghan idi. Xitay da'iriliri bolsa amérikidin éksport cheklimisini boshashturushni telep qilip kelmekte. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.