Qanun chiqarghuchilar amérika - xitay iqtisadi söhbitining netijisige tenqidi pozitsiye tutti


2007-05-25
Share

Gerche bush hökümiti bu hepte washin'gtonda ötküzülgen amérika-xitay istiratégiyilik iqtisad söhbitide ilgirilesh bolghanliqini we söhbetni ijabiy bahalighan bolsimu, lékin bu söhbet amérika dölet mejlisining xitay bilen bolghan sodigha tutqan tenqidi pozitsiyisini özgertelmidi.

Amérika dölet mejlisi kéngesh palatasining köp sanliqlar rehbiri xarriy réyd, peyshenbe küni xitay iqtisadi wekiller ömikining bashliqi, mu'awin bash ministir wu yi bilen körüshkendin kéyin, dölet mejliside téximu köp ezalarning, eger xitay bilen bush hökümiti xitay - amérika sodisidiki tengpungsizliqni özgertishke tedbir qollanmisa, dölet mejlisi heriket qollinishi kérek, dep qarawatqanliqini bildürdi.

Bu qétimqi söhbette xitay - amérika hawa yolliri qatnishini kéngeytish qatarliq bir qatar mesililerde kélishim hasil qilghan bolsimu, lékin xitay wekiller ömiki xelq pulining qimmitini östürüshke qoshulmidi. Xitay terep xelq pulining qimmitini östürüshte téximu köp waqitqa éhtiyaji barliqini bildürmekte.

Lékin awam palata xam chot komitétining re'isi charliz ran'gél, mezkur komitétning xitay mallirigha import cheklimisi qoyush qanun lahiyisi tüzüshke teyyarliniwatqanliqini bildürgen.

Kéngesh palata ezasi charliz shumir, xitay terep sodidiki tengpungsizliqni tengshesh yolida héchqandaq heriket qollanmidi, dep eyiplidi we quruq wediler amérika dölet mejlisni endishidin xali qilalmaydighanliqini bildürdi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet