Америка вә явропа иттипақи хитай устидин дуня сода тәшкилатиға әрз сунди


2008-03-03
Share

3- Март дүшәнбә күни америка һөкүмити вә явропа иттипақи хитайниң пул-муамилә саһәсидики учур-информатсийәләрни қаттиқ тизгинләп хитайға сода учури сатидиған чәтәл ширкәтлириниң сода ишлириға пайдисиз муһит шәкилләндүргәнлики үчүн хитай устидин дуня сода тәшкилатиға әрз сунди.

Б б с ниң көрситишичә, явропа иттипақи сода комиссари петир манделсон баянат елан қилип, риқабәт күчигә игә, әркин пул муамилә саһәсиниң, пул-муамилә базириниң һаяти күчини урғутидиған негизлик мәнбә икәнликини, әмма хитай һөкүмитиниң бу саһәдики чәкләш сиясити чәтәллик учур тәминлигүчи ширкәтләрниң мәнпәәтигә зиян салғанлиқини оттуриға қойди.

Мәлум болушичә, 18 айниң алдида хитай пул- муамилә саһәсидики учурға аит елан қилинған бәлгилимә, ройетирс, дов җонес ширкити вә блумберг қатарлиқ хитайдики банка, һөкүмәт органлири вә башқа херидарларға иқтисади учур сатидиған ширкәтләрниң мәнпәәтигә мухалип икән.

Хитайниң бундақ чәкләш характеридики бәлгилимини бекитип чиқиши америка вә башқа чәтәллик пул- муамилә учурлирини тәминләйдиған ширкәтләрни интайин пассип вә пайдисиз орунға чүшүрүп қойғанлиқини билдүргән америка сода вәкили сусән шваб: " шуңа биз мәзкур мәсилини хитайниң алдиға нәччә рәт қойған болсақму, бу техи һазирғичә һәл қилинмиди" деди.

Мәлум болушичә, хитай билән дәвагәр тәрәпләр: явропа иттипақи вә америка һөкүмити арисида 60 күнлүк өз-ара келишиш мөһлити бар болуп, әгәр сөһбәтлишип һәл қилиш чариси нәтиҗисиз аяғлашса, бу мәсилә дуня сода тәшкилатиниң рәсмий тәкшүрүшигә тапшурулидикән. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт