Xitay darfur mesiliside inkas qayturdi


2008.02.24
Share on WhatsApp
Share on WhatsApp

24-Féwral küni xitayning darfur mesilisi boyiche alahide wekili lyu guyjin sudanning paytextini ziyaret qilghanda darfur mesilisi heqqide xitayning meydanini jakarlap, "junggo sudan bilen gherbning arisidiki köwrük we yaki tilchisi bolushni xalaydu" dep bildürgen.

En'gliye radi'o -téléwiziye shirkiti b b s ning xewer qilishiche, lyu guyjin gherb döletliri eger darfur xelqighe heqiqiy yardem bermekchi bolsa, sudan hökümiti bilen eng eqelliy ishench turghuzush kérek, dep tekitligen.

U, chet'ellerning xitayning darfur siyasitini tenqid qilghanliqigha izahat bérip, junggoning sudan'gha bésim ishletmestin belki teng barawer hemkarchiliq salahiyiti bilen öz rolini jari qildurup, bir qatar bildürüsh hem tekliplerni bergenlikini eskertken.

Xitayning darfur ishliri boyiche mezkur alahide wekili londondin sudan'gha uchush aldida nutuq sözlep, junggoning darfur mesilisini hel qilishni ilgirilitishtiki muhim rolini jari qildurghanliqini, darfur mesilisini hel qilishta xelq'ara jemiyetningmu ortaq halda tirishchanliq körsitishi,hazirmu darfurdiki xelqning ehwalida özgirishler bolghanliqini tekitligen.

Biraq, lyu guyjin xelq'ara jem'iyetning xitayning darfur toqunushi üchün sudan'gha qoral yaraq sétip bergenliki heqqidiki eyibleshlirini inkar qilip, junggoning bashqilarning ichki ishigha arilashmaydighanliqini bildürgen.

Lyu guyjin sudandiki jeryanida darfur rayonigha baridiken hemde b d t tinchliqni saqlash ishliri boyiche yuqiri derijilik emeldari bilen söhbetlishidiken. Darfur mesilisi nöwette, xelq'ara jem'iyetning xitayni eyiblewatqan eng muhim nuqtiliridin biri bolup hésablinidu. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.