Xéylungjyangda déhqanlar bilen xitay saqchilar toqunushti


2007.08.27

Xitayning xéylungjyang ölkisining yütyen yézisidiki déhqanlar bilen xitay saqchilar otturisida chiqqan toqunushlarda az dégende ikki kishi yarilan'ghan we ikki kishi saqchilar teripidin qolgha élin'ghan.

Amérika birleshme agéntliqining xewer qilishiche, yütyen yézisidiki déhqanlar shenbe küni, mezkur yézida yéngi tijaret merkizi qurushni pilanlighan bir qurulush shirkitining, öyliri chéqilghan déhqanlargha bergen tölem pulining azliqigha naraziliq bildürüsh üchün yézigha kiridighan yollarni tosuwalghan.

Xitay saqchilirining yolni échishqa urunushi déhqanlar bilen saqchilar otturisida toqunush keltürüp chiqarghan. Xongkongda chiqidighan jenubiy xitay seher gézitining weqe shahitlirining sözlirini neqil keltürüshiche, toqunushlar jeryanida bir kishi ölgen.

Xitaydiki chiriklik, déhqanlarning yerlirining musadire qilinishi we xitayda künséri jiddiylishiwatqan baylar we namratlar otturisidiki perq, xelqining qattiq ghezipini qozghawatqan bolup, bu weqeler sewebidin yéqinqi yillardin béri xitayda xelq bilen saqchilar otturisida nurghun toqunushlar kélip chiqmaqta.

Bu arida franisye agéntliqining xewer qilishiche, 19 künidin biri ish tashlash herikiti élip bériwatqan xongkongdiki tömür zawutining minglighan ishchisi yekshenbe küni xongkong kochilirida namayish ötküzdi. Ular zawut bashqurghuchiliridin ishchilarning ma'ashlirini köpeytip bérishini, xizmet shara'itini yaxshilap bérishini telep qilmaqta. (Ömer qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.