Хитай франсийә билән әдлийә саһәсидә келишим имзалиди


2007-01-05
Share

Җүмә күни франсийә әдлийә министири паскал климинт, франсийиниң хитай билән өз-ара җинайәтчиләрни тапшуруп бериш келишими имзалаш үчүн тәйяр икәнликини билдүрди.

Хитай әдлийә министирлиқиниң тәклипи билән хитайни зиярәт қиливатқан паскал килиминтниң ейтишичә, хитай вә франсийә келишимниң қайси мәсилиләрни өз ичигә елиши керәклики тоғрисида келишип болған. Лекин келишимниң қайси күн имзалинидиғанлиқи техи ениқ мәлум әмәс.

Франсийә әдлийә министириниң билдүрүшичә, франсийә билән хитай оттурисида имзалинидиған келишим бәзи сәзгүр мәсилиләрниму өз ичигә алидикән.

Шинхуа агентлиқиниң хәвәр қилишичә, хитай билән франсийә әдлийә мәсилисидә бурундин бери һәмкарлишиватқан болуп, франсийә хитай адвокатлирини тәрбийилигән. Хәвәрдә ейтилишичә, франсийидә тәрбийиләнгән хитай адвокатлириниң сани 60 ға йетидикән.

Әгәр хитай билән франсийә оттурисида өз ‏- ара җинайәтчиләрни тапшуруп бериш келишими имзаланса, франсийә, испанийидин кейин, хитай билән бундақ бир келишим имзалиған иккинчи ғәрб дөлити болидикән. 2006‏- Йили април ейида хитай хәлқ қурултийи хитай билән испанийә оттурисида имзаланған келишимни мақуллиған иди. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт