Xitay fransiye bilen edliye saheside kélishim imzalidi

Jüme küni fransiye edliye ministiri paskal klimint, fransiyining xitay bilen öz-ara jinayetchilerni tapshurup bérish kélishimi imzalash üchün teyyar ikenlikini bildürdi.

Xitay edliye ministirliqining teklipi bilen xitayni ziyaret qiliwatqan paskal kilimintning éytishiche, xitay we fransiye kélishimning qaysi mesililerni öz ichige élishi kérekliki toghrisida kéliship bolghan. Lékin kélishimning qaysi kün imzalinidighanliqi téxi éniq melum emes.

Fransiye edliye ministirining bildürüshiche, fransiye bilen xitay otturisida imzalinidighan kélishim bezi sezgür mesililernimu öz ichige alidiken.

Shinxu'a agéntliqining xewer qilishiche, xitay bilen fransiye edliye mesiliside burundin béri hemkarlishiwatqan bolup, fransiye xitay adwokatlirini terbiyiligen. Xewerde éytilishiche, fransiyide terbiyilen'gen xitay adwokatlirining sani 60 gha yétidiken.

Eger xitay bilen fransiye otturisida öz ‏- ara jinayetchilerni tapshurup bérish kélishimi imzalansa, fransiye, ispaniyidin kéyin, xitay bilen bundaq bir kélishim imzalighan ikkinchi gherb döliti bolidiken. 2006‏- Yili april éyida xitay xelq qurultiyi xitay bilen ispaniye otturisida imzalan'ghan kélishimni maqullighan idi. (Qanat)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar