Xitay xelq'ara hawale meblegh shirkiti CITIC qazaqistan néfitlikini sétiwaldi


2007.01.01
Share on WhatsApp
Share on WhatsApp

Merkizi xongkongdiki xitay xelq'ara hawale meblegh shirkiti kanada igidarchiliqidiki qazaqistan néfitlikini bir milyard 910 milyon dollargha sétiwalghanliqini jakarlidi.

Shinxu'a axbarat agéntliqining eskertishiche, kanada milliy énérgiye shirkitidin sétilghan qazaqistan qarajanbas néfitlikining 50 % pay chékini qazaqistan dölet igilikidiki qazaqmunaygaz shirkitige ötküzüp bérishke maqul bolghan.

Xitay xelq'ara hawale meblegh shirkiti ning qazaqistan néfitlikini sétiwélish sodisigha qazaqistandiki bezi siyasi erbaplar qarshi chiqqan. Ötken yili noyabirda qazaqistan néfit ministiri baqtiqoja izmuqembétow, xitaylarning qazaqistan néfitlikini sétiwélishigha qarshi ikenlikini bildürgen. U, shu qétimqi sözide "biz qarajanbas néfitlikini sétiwélish sodisini toxtitish üchün alahide tedbirlerni élishimiz kérek," dep tekitligen. Bu xitaylarning qazaqistandin sétiwalghan 2 - néfitlik bolup hésablinidu. Aldinqi yili xitay kanada néfit shirkitining qazaqistandiki bir néfitlikini sétiwalghan idi.

Xelq'ara hawale meblegh shirkiti 1979 - yili xongkongda xitayning sabiq mu'awin dölet re'isi rong yirén teripidin qurulghan. Mezkur shirket ottura asiya elliride asasi qurulush sahesige köplep meblegh séliwatqan xitay shirketlirining biri bolup hésablinidu. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.