Xu jintaw ereb elliri ittipaqining ministirliri bilen körüshti


2006-05-31
Share

Charshenbe küni xitay-ereb elliri munbirining 2‏- nöwetlik ministir derijilikler yighini béyjingda ötküzülüp, xitay dölet re'isi xu jintaw ereb elliri ministirliri bilen körüshti. Bu xitay-ereb elliri munbirining xitayda tunji qétim ministir derijilik yighini ötküzüshi bolup hésablinidu.

Amérika birleshme agéntliqining xewer qilishiche, xu jintaw körüshken ereb elliri ittipaqigha eza döletlerning ministirliri ichide hammas teshkilati rehberlikidiki pelestin hökümitining tashqi ishlar ministirimu bar iken. Xu jintaw uchrishishtin kéyin muxbirlargha, xitayning ereb elliri bilen bolghan her sahediki munasiwitining dawamliq rawajlinidighanliqini tekitlidi.

Gherb elliri teripidin térrochi hökümet dep eyiblinip kéliwatqan hammas rehberlikidiki pelestin hökümitining tashqi ishlar ministiri mahmud zaharning yighin mezgilide xitay re'isi xu jintaw bilen biwaste körüshken yaki körüshmigenliki téxi namelum. Lékin xitay da'iriliri hammas rehberlikidiki pelestin hökümitini ular texttin chiqqandin buyan qollap kelgen idi.

Ikki kün dawam qilidighan xitay-ereb elliri ittipaqi munbiride, erep elliri ittipaqining bash sékritari amir mosa xitay re'isi xu jintaw bilen yépiq söhbet ötküzgen. Amir mosaning éytishiche, ikki terep dölet pütünlüki mesiliside öz-ara siyasiy yardemni kücheytish kéreklikini tekitligen hemde xu jintaw ereb ellirining "bir junggo" prinsipida ching turup, teywen'ge qarshi chiqqanliqigha rehmet éytqan. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet