Яврупа бирлики хитай содиси һәққидә йеңи сиясәт бәлгилиди


2006.10.24
Share on WhatsApp
Share on WhatsApp

24 ‏- Өктәбир күни яврупа бирлики хитай билән болған тиҗаритидики йеңи сиясәт характерлик һөҗҗитини елан қилип , хитайни бикинивилиштин сақлинип базарлирини чәтәл мәблиқигә ечивитишкә чақирди.

Һөҗҗәттә оттуриға қоюлушичә ,яврупа бирлики комитети хитай маллириниң яврупа базарлиридики пахаллишиш һалитини өзгәртишигә вә риқабәт күчини ашурушиға ярдәм беридиғанлиқини әскәрткән.

Бултур яврупаниң сода баланис пәрқи 125 милярд америка доллири болуп , көплигән яврупа дөләтлири һөкүмәтлири өз дөләтлириниң ишләпчиқиришини қоғдашқа мәҗбур болған. Һөҗҗәттә хитайниң чәтәл ширкәтлиригә қаритилған тосалғу характеридики бәлгилимилирини азайтип , өзиниң әмгәк вә муһит қоғдаш тәдбирлирини көчәйтиши лазимлиқи тәкитләнгән. Һөҗҗәттә йәнә мундақ дәп көрситилгән " әгәр бу хил мәсилиләр һәл қилинмайдикән , яврупа бирликиниң ичкий қисмида хитай маллириға базарни ечивитишкә қарши туруштин ибарәт сиясий бесим техиму көчийиши мумкин ". яврупа бирлики һөҗҗәтниң дуня муһити вә екологийиси һәққидә тохталған қисмида нефит вә тәбиий газға җиддий муһтаҗ болуватқан хитайниң дуня ениргийә базирида актип вә мәсулийәтчан болуштәк рол ойниши керәклики алаһидә билдүрүлгән. (Меһрибан)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.